عرض مشاركة واحدة
11-12-2012, 08:03 AM   #27
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482

رائع منك مشاركتنا خواطر مستخبية في قلوبنا
لكن لسانك عبر عنها بشكل أروع مما يجيش في قلوبنا

دايما أسمع امى وهي بتغنى ليوسف و بتقوله نفس كلام الجدة أمينة
يارب الموت ينساكي
وان دخل يخطيكي
وان طلع ياخد عداكي

وكنت زمان أسمعها وهي بتغنى لأختى الصغيرة
ولما قالو ده ولد انشد ضهرى و اتفرد
ولما قالو دى بنية
هدو سقف البيت عليا

بس كنت شايفه أنها أغنية عنصرية جدا
ودايما كنت أفكر و انا صغيرة
ليه يعنى يهدو البيت عليها
هههههههههههه
عقل عيال
ههههه

بس فعلا لما قريت الموضوع
حسيت بجمال الجدات وصفائهم
ومعنى وجودهم في حياتنا كلنا

وفهمت ليه يوسف دلوقت لما بيشوف جداته
ربنا يخليهم يارب
بينسانى و بينسا باباه و بينسى لعبه

وفهمت ليه أول يوم راح فيه المدرسة ماكنش بيسأل عليا
كان بيسال على جدته
علشان جدته في قلبه لها نفس القيمة الكبيرة لجدتى أنا في قلبي
دايما كنت أفكر في الجدة على انها ام حنون لكن للعب و الدلع والقصص والأغاني
وامى أم حنون جدا لكن للمذاكرة والتعليمات
والدوا اللى بكرهه طعمه لما اتعب ولميعاد النوم اللى لازم ألتزم بيه
عرفت الفرق بين الأم والجدة وانا صغيرة
وأنا كبيرة كمان
هههههههههههههه

تسلمى يا لولو
موضوعك فعلا رائع
له ذكريات محببه في قلوبنا كلنا
__________________

signature

SaMaR_ BakR غير متواجد حالياً