عرض مشاركة واحدة
11-12-2012, 07:48 AM   #28
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482

اما الحالة الثانية وهي الاهم في حياتي فهي
لابني الكبيروعمره تعدى العشرون عاما بشهور

أسمحلى أخى عاشق الروح
أشارككم للمرة التانية
وأسمحلنا كلنا نعتبر موضوعاتك وموضوعات صافي
زي موضوعاتنا
زى بيتنا
بنلتقى فيه ,, وبنرحب ببعض
وبنرد على بعض
ولو لقينا أن في حد فينا محتاج طبطبة ,, ما نتأخرش


بصراحة يا منى
أنا حسيت أنك محتاجة طبطبة
انا عارفه أنك ماشاء الله عليكي صابرة أكتر من 20 سنة
على المجهود والتعب لكل دقيقة في اليوم في السنين الطويلة
أنت وأبو أحمد ربنا يبارك فيكم
ده بالإضافة أنك أصلا مغتربة ولوحدك
ومافيش ماما وبابا وأخوات وحتى أصدقاء الطفولة غير متاحين
لكن سبحان الله ربنا بيعوض
طبعا مهما حسينا وأتأثرنا بالقصة مش هانوفيكي حقك في تعبك ومعاناتك اليومية
لكن إن شاء الله ربنا يباركلك في محمد وفنانا الغالى ايهاب واحمد الملاك حبيب قلوبنا كلنا
ربنا يباركلك فيهم ويقر عينك بيهم و بأولادهم و يخليهم أحسن الناس إن شاء الله

ماشاء الله عليكي واضح أنك عرفتى تتصرفي صح مع حبيبنا أحمد
دورتى على مكان يعلم أحمد كيفية الإعتناء بنفسه والتصرف مع الغير
كمان ماعزلتيهوش ,,, بيقابل الولاد وأصحابك وبيتعرف عليهم وبيتعامل معاهم
أهنيكي على حكمتك في التصرف
بصى يا منتى
ساعات انا ببقى عاوزة حد يقولى أنت بتتصرفي صح
لذلك انا عاوزة أقولك
انت ماشاء الله عليكي 100% صح
أفتخري بنفسك وبأولادك
وبصى لنفسك في المراية كل يوم وقولى لمنى ((أنت ناجحة ))
اعتبري ردى ده طبطبة صغيرة منى

__________________

signature

SaMaR_ BakR غير متواجد حالياً