عرض مشاركة واحدة
11-06-2012, 10:28 PM   #5
علا الاسلام
مراقب عام
Crown5
 
تاريخ التسجيل: Aug 2010
الدولة: عيد ميلادك احلى عيد
المشاركات: 4,595



شخص وجد الفانوس السحرى
ودعكه .,.
وطلع له الجنى

وقاله : شبيك لبيك .. عبدك بين أيديك
تطلب إيه ؟؟

و كان الزمان قبل ثورة 25 يناير
هيا معا نرى ماذا طلب هذا الشخص من الجنى
و ماذا كان رد فعل الجنى .. وبماذا أجابه




لقيت الفانوس مرة ودعكته *** طلعلى عفريت قاللى شبيك لبيك

قلت خلاص الذل أنا ودعته *** ويا عفريت بالطلبات هاهريك

قالى هأوأو يا إنسان *** دانا العفريت ابن الجان

ما يهمنيش لا مكان ولا زمان *** واطلب وعندى البرهان




قلتله عاوز قمح زُرع فى مصر*** ومسؤولين يبطلوا فشر

وحكومة متعصرنيش عصر *** ومرتب يسترنى لآخر الشهر

وعاوز عيش بدون طوابير*** وحكومة ضد التبذير




وانتخابات من غير تزوير *** ورئيس سابق أشوفه كتير

وعاوز فى بيتى كيلو دقيق *** وسبب مقنع لأى حريق

ومجلس شعب بدون تصفيق *** وفى كاس العالم لينا فريق

وعاوز أزور شرم الشيخ *** وصباعين كفتة اللى فى السيخ




وأشرب مرة عصير بطيخ *** وأخرج من القسم بدون تلطيخ

ونفسى الضحكة ترجع تانى *** وحتة لحمة كندوز أو ضانى

وجنيه مصرى زى البرانى *** ورصيف للمشى أنا وخلاّنى




رد العفريت عليا بغشم *** وقال يا مصرى ماكنش العشم

بص.. أنا ممكن أنقلك الهرم *** واسدلك الأوزون اللى اتخرم

وأرجعلك الأكل اللى اتهضم*** وأعملك بقرة من الغنم

وأعملك قصر من العدم *** وأقولك معنى شرم برم

بس طلباتك طلبات ملموس *** عقله خلاص أكله السوس




ده تخطيط يا بنى ومدروس*** إنك تعيش على طول موكوس

وأحنا بناخد منكوا دروس *** إزاى نخلى العفريت متعوس

ويا رب ترجعنى تانى الفانوس *** وزى بعضه أعيش محبوس

بدل ما أخرج واتبهدل زيك *** وأعيش موكوس على متعوس




تابعونى
علا الاسلام غير متواجد حالياً