عرض مشاركة واحدة
10-30-2012, 09:29 AM   #13
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482


اخى عاشق الروح ،، حبيبتى صافي
فكرة الموضوع عبقرية ,,, الظاهر هاتعود منكم على الأفكار الرائعة دي
وإسمحولى أشارككم بخواطر بسيطة
هي لا تخص المعاقين
لكن بتحسسنا شويه ممكن يحسوا بأيه
وهي خاصة بنعم ربنا سبحانه وتعالى علينا
استشعرت النعم دي بقوة
لما تعبت شوية
=========
ربنا سبحانه وتعلى لما بيرزقنا الصحة
بنشعر ان هو ده العادى
لكن لما بنفقد الصحة دى او بتقل
بنحس بكم النعم اللى ربنا كان رازقنا بيها
يعنى مثلا:
========
الطرقة اللى بين بيتى والشارع كنت باخدها في ثلاث دقايق
وابقى شايله العكروت يوسف أو يحيى
والله ساعات الإتنين
أصلهم ريشة
ههههههههه
ومكنتش بحس أن في معجزة يعنى ,,
ماكنتش بقول لنفسي أحمدى ربنا انك شايله نفسك وأولادك
وماشية وداخله بيتك
وفرحانه بنفسك و باولادك

دلوقت هههههههههههه وأنا متجبسة لازم اتنين مسندنى
وسيد البواب ( هههههه) الله يكرمه بيجيبلى كرسي اقعد تلات مرات ارتاح
وباخدها في نص ساعة

الحقيقة كان لازم أشكر سيد البواب
هههههه
الراجل تعب معايا هو والكرسي بتاعه جدا جدا
ههههههههههههههههه
=========
سبحان الرزاق الكريم
نعمة الصحة نعمة ما بعدها نعمة
حسوا بيها قوى ,, خدوا بالكم منها أوىىى
استشعروا قد ايه ربنا راضي عنكم بحفظها عليكم
وقد ايه راضي عنى ,,, انه نبهنى لمقدارها
وخلانى أكتبلكم الكلام ده النهاردة
وأحنا سبحان الله الوعكة الصحية دي بتبقى لفترة و تنتهى
وترجع صحتنا تانى
ونرجع ننسي تاني
لكن المعاق بيفضل حاسس بالفرق بينه و بين السليم طول الوقت
فى كتير منهم بيتغلب على الإعاقة بالإبتسامه
او بيتحداها ويبقى احسن من أحسن سليم
وفي منهم اللى ما بيقدرش لا يبتسم ولا يتحدى ,,,, دعائكم للكل
ربنا مع الجميع
فعلا ربنا كريم
وفضله علينا عظيم



موضوعكم رائع
الدكتورة جهاد شخصية واضح من ابتسامتها انها لطيفة وربنا بيحبها أوى
بارك الله فيها
__________________

signature

SaMaR_ BakR غير متواجد حالياً