عرض مشاركة واحدة
10-14-2012, 12:59 PM   #1
هالة
مراقب عام
Crown5
 
تاريخ التسجيل: Jun 2007
الدولة: القاهرة - الاسكندرية
المشاركات: 26,209
نفس الكلام جوا الكتاب زجل

basmala

كلمات مزعجة تمردت على قلمي
وابت الا ان تُسطر

افتح الكتاب واقراه
نفس الكلام زي زمان
حتلاقيه منقوش جواه
غيروا الغُلاف ..ماتخلهوش يخُمك
ماتخليش الوعود تهون همك
المهم الفعل اللي بنلقاه

افتح الكتاب حتلاقي السطور ممحية
والخيبة وسط اللي باقي مخفية
تعبنا ياناس وفاض الكيل
وحقوقنا ليه دايما منسية

وعود وامال وفين الصبر
دالميت مات ومالوش قبر
قالوا جبال الكحل تفنيها المراود
واحنا جبال صبرنا
فناها القهر

رشوا مية ورد على قبر ابنك
نزلت دموع تماسيح تروي وردك
دا العطن ضارب في الجذور
والمتداري .. يكفيك شره
ويفك كربك

دبلت الورود في سوق الهم
سقوها بدل الامل دم
نبتت حدايق الشيطان وزهرت
براعم الخوف في حضن الام
__________________

signature

هالة غير متواجد حالياً