عرض مشاركة واحدة
10-13-2012, 01:29 AM   #12
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482

safynaz

لا المراقبين هايخافوا احنا بنعمل اللى عايزينه ونتشاقى
علشان بيعتبرونا لسه عيال ومش عاوزين يخضونا

بصي يا صافى
أنا لما عملت الموضوع ماكانش قصدي منه شقاوة
كان قصدي منه
أنى على سبيل المثال ( أعرف حبيبتى منى سامي اسمها ايه )
هي كتبت منك في موضوع ان ده مش اسمها الحقيقي

في ناس داخله باسمها يعنى الأستاذ محمد ورد اسمه الحقيقي
وكان لغايه فترة قريبه حاطط صورته وكلنا لو شفناه في اى شارع هانعرفه
وانا أعرف عنه ان لو كلنا طلبنا رقم تليفونه هايديهولنا

الحكايه كلها ,, والله يا جماعة الراجل الطيب اللى كان بيشارك الكل توفاه الله وماحدش كان عارف اسمه
ولولا ان ابنه عارف الباسورد بتاعته كان ممكن يعدى اربعينه وماحدش حاسس

عناد ابنها توفاه الله
وبقالنا يومين دايخين على رقم تليفونها عشان نعزيها ونبقى معاها

هاله حبيبتنا احنا كلنا عارفين اسمها وعارفنا ملامحها الجميلة يوم عيد ميلادها اللى فات
لكن مانعرفش رقم تليفونها عشان نقولها ألف سلامة عليكي
ماهي برده واقعة وتعبانه

اللى عاوز يعرفنا الحد الأدنى من المعلومات خير وبركه
أحنا مش عاوزين نحرج حد بصراحة

أنا واحدة من الناس - بعد الشر طبعا على اى حد- لو حد جراله حاجه
وأنا مش عارفه - وعرفت بعدها بفترة - هاحس انى ما ادتش دوري
واللى هيكون جاراله حاجه مننا -
بكل بساطه مش هايحس بوجودنا في محنته
أختصارا : فكرة الموضوع عدم التحرج من أسمينا الحقيقية
باقى المعلومات زى ما قلت اختياريه
بما فيها رقم التليفون
وممكن لو حد عاوز بيسيب رقم تليفونه مع الإدارة
لو غاب بيكون محدد مين اللى ممكن يتصل بيه
وفي حل آخر اللى عملته انا وصافي
احنا اتبادلنا أرقام التليفونات على الخاص
الموضوع أختاري تماما
بس بعد الموضوع ده .. أنا مالومش نفسي
لو أى حد جراله حاجه بعد الشر
وكان رافض أنه يترك معلومات اساسية عنه
- هازعل طبعا -
بس هكون عملت اللى عليا
SaMaR_ BakR غير متواجد حالياً