عرض مشاركة واحدة
10-12-2012, 02:26 AM   #14
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482

أنا حبيت أكتب القصة وأصحصلك الموضوع
ممكن حد يحب يشارك


قصة وفائي
قصة غريبة جدا
بنت نيوزلندية أسمها باربرا أتعرفت عليها عن طريق أبن عمتى
,, اللى كانوا أصحاب فترة وبعدها أتخطبوا واتجوزوا وسافروا
وللأسف ماعرفش عنهم أى حاجه دلوقت
هي قصة غريبة شويه مش وفاء أوى هي لطشة ألم الحقيقية

أنا شخصية بحب أتعلم
أى حاجه
أتعلمت السباحة وأنا كبيرة بالرغم من انى سواحلية ،
إلا أنى كنت هاغرق كذا مرة وده كان دافع أنى أتعلم السباحة
على ايد متخصصين وهو نفعنى والله أكتر من مرة
قبل ما أتجوز بيوم أيوة بيوم كنت بكمل آخر درس من ردوس الخياطة
المهم أنا كنت ناوية بعد ما أخلص كلية أنى أكمل دراسات عليا
حصل مهازل بصراحة أثناء تقديمنا للورق
أحنا كنا طلاب بحث من 10 الأوائل على الكلية و اتطلب مننا نقدم في كليتنا بس
ومانقدمش في اى مكان تاني
– دي اللايحة- قصدى دى الكارثه
أن بعد ما الورق بتاعنا إحنا العشرة أتوافق عليه و أتقفل باب التقديم في كل الكليات
ورقنا رجع ... وقالولنا سوري
أحنا هاناخد أول وتاني وتالت بس
طيب يا ناس انتو ضيعتوا علينا السنة
هش ولا في الهوا
وعلى فكرة أنا كان ترتيبى الرابعة
شكلها قصة نكد ,,,, صح
طبعا أنا قلت خلاص كده الموضوع انتهى
مالناش نصيب في التقديم في الكلية
والسنة الجاية هاتبقى نفس الحجة وهايخدوا الأوائل
وأنا كان السفر في أى مكان غير بورسعيد فزاعة – شبه مستحيل
أنا بخاف جدا من الزحمة
أول مرة شفت فيها المترو ماردتش أركبوا
من المنظر
فكبرت دماغي بس كنت متعذبه
حاجه أنا هامووووووووووووووووووووت عليها
لكن مش عارفه أعملها
المهم قابلت بعد كام سنة باربرا واتصاحبنا جامد جدا
وأفاجئ بيها عارفه عنى كل حاجه حتى اللى أنا ناسياه
قالتلى ليه ما كملتيش وليه ما سافرتيش
ده أنا كنت فاكره أنى لما أقابلك هاتكوني خلصنى أنت شاطرة
والبنت فعلا زي ما تكون لطشتنى بالألم
قلت ايه الجبن الفظيع اللى أنا فيه
أزاى أتخلى عن حلمي لمجرد أنى خايفه من الزحمة والغربة
أزاى أضيع حلم سنين من وأنا صغيرة أنى نفسي أبقى دكتورة
حتى لو مش بشرية
فقررت أكمل الحقيقة وأسافر القاهرة وأعمل ماجستير ودكتوراه
وأحقق حلمي اللى حياتى كانت بتدور حواليها
بناءا على لطشه ألم ولو أن اسم قصة وفاء أحلى

باقى القصة ماكملتش ,,, أنا طبعا زي ما كلكوا عارفين كنت على وشك أنى اناقش الماجستير
وبسبب الوعكة الصحية الأخيرة الموضوع باظ
بس اتعلمت
كفاية كورسات المعادن وأساليب التشكيل المعدنية المختلفة
الى كنا بناخدها على ايد متخصصين وناس بتفهم
والحمدلله على كل شئ

البنت ظهرت في حياتي فترة قصيرة جدا
أتصاحبنا أوى
ولطشتنى الألم ده
وأختفت هههه
SaMaR_ BakR غير متواجد حالياً