عرض مشاركة واحدة
10-11-2012, 10:15 AM   #14
SaMaR_ BakR
شريك محترف
stars-2-8
 
تاريخ التسجيل: Nov 2007
الدولة: cairo
المشاركات: 3,482

إلى الغالية صافي :
أشعر أن مصابك مصاب هناء
وأنك ممكن تكوني مكلومة زيها بالظبط
لكن أنت عليكي واجب لازم تأدية
وأنا مش باوصيكي
لكن انا بعزى نفسي بالتوصية دي
لأن أنا عارفه أن مهما كلنا كتبنا مش هايوصلها الكلام ده في الوقت اللى هيا محتاجاه فيه
لأن هايلزمها وقت تطبطب فيه على نفسها
على ما تقدر تمارس حياتها تاني
خصوصا أن زى ما فهمت منك أنها لسه يادوب كانت بتحاول تبقى كويسة
بالعكس ,,, خوفي أن بعد ماتهدي وإنشاءلله هاتقدر تقف تاني على رجليها
كلامنا و إحساسنا بمصابها ممكن يضعفها تاني ولو حبه صغيرة
فالحل دلوقت فيكي
لو ليكي أتصال بيها ,, غير ورد ,, ودة اللى أنا حاساه
خليكي معاها كل دقيقة
هي مش هاتبقى محتاجة حد يقولها أى حاجه
غير أنه يشاركها حزنها ودمعتها ويصبرها

خليها تشوف اللى ورا اللى حصل
سبحان الله في شئونه وتدبيره
ممكن حبيب قلبي اسلام كان ممكن يتعب جدا من غيرها
وربنا أراد أن يخفف عنه ,, زي ما بيقولوا قضا أخف من قضا ,,
والإبتلاء بينزل تقيل وبيخف أثناء مروره في السماوات السبعة
ممكن كان يعاني من معاملة حد أى حد
لكن كده هو عند ربنا سبحانة وتعالى
وده طفل ماشاءلله ,, عصفور من عصافير الجنه
ماعليهوش اى حساب ولا ذنوب يإذن الخالق العظيم الحليم
يعنى بكل المقاييس هو أحسن حالا مما كان في الدنيا
عند ربنا سبحانه وتعالى ,,, حبيبنا اللى خلقنا تعاليت يا الله
اللى عندع 99 ضعف من رحمة الدنيا كلها
اللى بيعفو عن المذنبين
مابالك بعصفور من عصافير الجنه
ممكن يكون عنده عامل ازاى
أكيد بإذن الله هايكون أحسن من وجوده في دار الفناء

عليكي واجب زى ما قلتلك
أديه ,, ربنا يعينك عليه
ويصبرها , ويعفو عنها
ويجمعها عليه في دار الحق
ويبرد قلبها ,, آمين يارب العالمين
SaMaR_ BakR غير متواجد حالياً