عرض مشاركة واحدة
10-11-2012, 12:24 AM   #1
safynaz
شريك محترف
stars-2-8
 
تاريخ التسجيل: Apr 2011
الدولة: اخر تواجد بتاريخ 18 - 3 - 2013
المشاركات: 3,244
ماما انا بلعب هنا بالعاب حلوه مع اصحاب حلوين

basmala



ركن اسلام

ماما انا مبسوط عندى ومش عاوز ارجع عندكم تانى عارفه ليه اصل انا هنا بلعب كتير اوى مع باسم وحسام ووليد ومنه وعلياء وتقى وهيثم ورضوى وامير يوووووه ياماما كتير اوى مش بنام خالص من كتر اللعب وعارفة عندنا لعب كتييرعارفة ياماما عندى حصان بيطير بجد كل يوم اركبه اجى اخد منك بوسة وانت نايمة بس شرط تكونى نايمة اصلك لو مانمتيش الحصان مش بيطير ياماما
وكمان عندى الجنينه بتاعتك ربنا بيخللينى ازرع فيها حاجات كتير اصلها بتاعتى انا وانت وعارفة شفت مين كمان الرسول عليه الصلاة والسلام وقالى انك جايه عندنا انشاء الله بس شرط انك تقولى انا لله وانا اليه راجعون احتسبتك عند الله يااسلام اوعى تنسى تقولى ياماما علشان تيجى
وكمان بركب مرجيحة عليها صور حلوة بتتمرجح لوحدها والملايكة بيحرسونى ويفضلوا يضحكوا فيا
يووووووه ياماما زمان طنط صافى بتقول هوانت عندك يااسلام بتتكلم بلغة اليمن برضه هاقولها لا ياطنط انا بكلم كده علشان ماما تفهمنى
وعارفة ياماما بناكل حلويات طعمها حلو وسنانا مش بتوجعنا
وعارفة كمان بنركب مركب شكلها حلو تمشى على الميه من غير مانقع
ونفضل نطير على الشجر ونمسك العصافير والفراشات ونجرى وراها بس الوانها احلى من اللى عندكم
عارفة ياماما انا بقعد مع الانبياء واشوفهم وشفت حاجات مش اقدر احكيلك عنها لما تيجى بقة
بس شرط علشان اقولهالك لازم تصلى وتقربى من ربنا وماتفقديش ايمانك وشرط اليأس مايجيش ناحيتك اطردي الياس ياماما علشان اقدر اقولك كلمة السر اللى هاتعدى بها يوم القيامة لو يئستى من رحمة ربنا مش هاينفع اقولك كلمة السر
انا مش هاقدر اجيلك كل يوم اصل احنا بنلعب كل يوم بصى ياماما لما يجى يوم الاجازة من اللعب ابقى اجيلك بس مش كتير علشان انا بحب اكون مع اصحابى اللى فى الجنة اكتر اوعى تزعلى مش انت عاوزة ابقى مبسوط ولما تحبى تشوفينى ابقى قولى
يطوف عليهم ولدان مخلدون، بأكواب وأباريق وكأس من معين، لا يصدعون عنها ولا ينزفون، وفاكهة مما يتخيرون، ولحم طير مما يشتهون، وحور عين، كأمثال اللؤلؤ المكنون، جزاء بما كانوا يعملون، لا يسمعون فيها لغوا ولا تأثيما، إلا قيلا سلاما سلاما
تحبى اوريكى صور اصحابى بس مش كلهم علشان لما تيجى تبقى تشوفيهم كلهم ماشى

ده عمرو


ودى سمسمة


ودى بقى ياسمين

(اللى عليها العين بس هي شارطة عليا اجيب امى هنا تخطب لى)
شوفتى حلوة ازاى

ودى امنيه


ولما بنلعب بنكون كده


يالله بقى سلاموووووووو
علشان اصحابى بيندهوا عليا ابقى اجيلك تانى باى مامى وعلى فكرة انا سمعت طنط صافى وهى بتقولك خللى اسلام ياخدنى معاكو قوليلها حاضر ياطنط من عنيه
المرة الجاية هاجيبلك حاجات من عندنا علشان تبقى تشوفيها وتطمنى عليا ان انا
مبسوط
__________________

signature

safynaz غير متواجد حالياً