عرض مشاركة واحدة
09-18-2012, 01:34 PM   #1
safynaz
شريك محترف
stars-2-8
 
تاريخ التسجيل: Apr 2011
الدولة: اخر تواجد بتاريخ 18 - 3 - 2013
المشاركات: 3,244
غضبت عليا اختى وحلفت

basmala

كانت اختى تقيم عندى لفترة
وكانت تفاجئنى كل يوم بعد مااعود من العمل
بانها قامت بتوضيب البيت وعمل الاكل وشراء المتطلبات اللازمة
بصراحة كنت مرحرحة ومتختخة ومتنبلة
ماحلاها ايام اول مادخل البيت تقوللى روحى نامى ....ياسلام
متعة مابعدها متعة اقوم الاقيها محضرة الاكل
اكل وبعدين تقوللى روحى اقعدى على الكمبيوتر ...
نعمة مابعدها نعمة
وفى يوم دخلت من الشغل لقتها ماسكالى العصاية
وبتشاور لى على حجرة فى البيت
مشيت وراها لارى ماذا حدث
فتحت الباب وقالت كلمة واحدة ماتنتهاش تانى
(ايه ده)؟؟؟؟؟؟؟؟
بصراحة لقيت الدنيا مفعكشة
ماحدش يقوللى يعنى ايه مفعكشة ومفركشة (شرحه)
واشياء مبعثرة هنا وهناك
ورق كوريشة على سلك على ورق ملون مقوى
على مقصات على مواد لاصقة
على فازات على خرز على جليتر على رسومات
على صلصال على .. على مسدسات شمع
على شمع لاصق على غرا على
..... نظرت اليها وقلت لها على استحياء
دى اشياء هاعملها اتعلمتها من ورد للفنون
قالت لى
بحزم
ماشى المخزن ده بقة ابقى
رتبيه انت ولو ما ترتبش هاترتبى الشقة كلها
بصراحة كنت كل ماشوف هالة او نانو او منى او مبدعة او هند او..ملك...........
اى حد من الجماعة اياهم بتوع ورد للفنون
اللى سحرونى وندهوا عليا زى النداهة
عامل حاجة تعجبنى انزل اشترى الخامات علشان اعملها
واجى اعملها الاقى كل الوقت بيضيع على المنتدى
لتصفح اعمال اعضاءة ومواضيعة لقيت عندها حق
وتركتنى اختى غاضبة على وعلى فوضى الخامات فى المنزل
وحرمتنى من الجنة اللى كنت عايشاها
علشان كده قررت ان مااتابعش كل الاعمال مرة واحدة
واركز كل فترة مع فنان واحد ثم انتقل بعده لاخر
وقد بدأت اليوم بحبيبة قلبى هالة
يمكن اقدر استغل الاشياء واحولها الى اعمال يمكن حفظها
وترجع اختى ترضى عنى يارب
ادعولى تصفح عنى
__________________

signature

safynaz غير متواجد حالياً