عرض مشاركة واحدة
09-02-2012, 09:14 PM   #1
semsem2da
شريك
stars-1-3
 
تاريخ التسجيل: Aug 2012
الدولة: مصر - بورسعيد
المشاركات: 41
خمسه سته كلام عجبنى اللى فيه

basmala

بالتعمق جوه نفسك
كل فتره تلقى فيه
خمسه سته نسخه منك
هدوا مخك عاللى فيه
اللى ماسكك واللى سايبك
واللى حابك واللى كارهك
واللى دايما بتداريه
كل واحد له حكايه
خليتك تستغنى عنه
واللى يثبَت فى النهايه
تلقى ناس من جوه نفسك شايله منه




لو كنت صحيح رسّام
.....أنا كنت رسمتك
الحد الفاصل للأحزان
والحد الفاصل...بالألون
....

لو كنت صحيح رسّام
هرسم صورة لأمي بالألوان
....بالطرحة البني
....والضحكة الخضرا
والروح الحاضرة ف كل مكان.
.....وارسم علَم
وعليه خريطة بالقلم
وفوقيه قصيدة بتترَسَم
وارسم نخيل
عمدان بيوت
اصرخ بصوتي اللي اتظلم

....يا أيها الناس إعلموا
فوق الرايات إلحاد
تحت الحجاب...العُهْر

.....و إتقّوا
العقل لو يوم ذلّكوا
والقلب لو يوم ضلّكوا
في ناس كتير زيّكو ,
حلموا وحبوا ....
و انتهوا ....من غير رصيد!!

.....وافهموا
العبرة بالأنبيا
والذكرة للتابعين
التوبة للأوليا
والتوهة للعاشقين
الفكرة ل اللي إبتدع
والفايدة ل اللي إتّبع
والدنيا للزاهدين.
__________________

signature

semsem2da غير متواجد حالياً