عرض مشاركة واحدة
07-05-2012, 12:09 PM   #113
علا الاسلام
مراقب عام
Crown5
 
تاريخ التسجيل: Aug 2010
الدولة: عيد ميلادك احلى عيد
المشاركات: 4,554

شذا

السلام عليكم دكتورة علا
اولا عذرا لمقاطعتك عن الموضوع
ثانيا انا كتبت لحضرتك قبل كدا عن استشارة عن طهارة ابنى وحضرتك اجبتينى ولك جزيل الشكر وكل الاحترام والتقدير لمساعدتك
لكنى عايزة استفسر كمان عن انا روحت بابنى للدكتور اللى اجرى لة الختان وقال الختان كويس والمثانة عالية شوية وما اقدرش اعمل حاجة الا اما يكون عند الطفل 14 سنة علشان الهرمونات
وانا مش فاهمة حاجة وكان الدكتور مستعجل دا الحوار اللى تم
ارجوكى يادكتورة فهمينى هرمونات اية وممكن يكون عند ابنى حاجة ومش راضى يقول علشان هو اللى عمل العملية
فى انتظار ردك


و عليكم السلام أختى الجميلة شذا
أنا عارفة إنك أم و إن القلق اللى إنتى فيه ده عادى
طبعا لازم يحصل للأمهات خوفا على أطفالهم و أولادهم
لكن أن عايزة برده أطمنك و أقول لك مفيش حاجة اسمها المثانة عالية شوية
و الطبيب يقصد إن لما يبقى عمر طفلك 14 سنة إن شاء الله
حيكون فى مرحلة المراهقة و هرمونات البلوغ حتكون لها تأثير على العضو
تؤدى إلى نموه و لو فيه أى خلل سوف يظهر فى هذه المرحلة العمرية
و أحب أطمنك كمان لو كان الطبيب يشك فى أى مشكلة كان طلب منك
بعض الفحوصات مثل أشعات على الجهاز البولى التناسلى
و أحب كمان أقول لك إن لو فيه أى خلل فى المثانة
كان طفلك يشتكى من التهابات و ألم أثناء التبول و عدم راحة
حبيبتى لا تسبقى الأحداث و لا تقلقى
الختان كويس إن شاء الله
و هى مسألة وقت و كل شئ هيكون على ما يرام إن شاء الله
بارك الله لك فى ابنك الغالى ويارب يطمن قلبك دايما عليه
دمتى بكل خير
__________________

signature

علا الاسلام غير متواجد حالياً