عرض مشاركة واحدة
06-30-2012, 09:33 PM   #4
علا الاسلام
مراقب عام
Crown5
 
تاريخ التسجيل: Aug 2010
الدولة: عيد ميلادك احلى عيد
المشاركات: 4,555





أولا
هيبقوا فاهميين أوي إن الرجاله أكتر عُرضه للاصابه
hypertension... angina
يعني خد عندك في أي خناقه هتلاقيها بتزود
علشان انت تزيد وتزيد وفجاة .
....severe hypertension
وبالسلامه يا برنس





ثانيا
انت لو مش متجوز دكتوره ممكن تشتغلها بالالفاظ
يعني انتي مجرد
parasite يا حبيبتي
وهي مزاجها تمام وآخر نعنشه

لكن بقي لو خناقه مع دكتوره
هتلاقي قاموس مصطلحات لا حصر له




ثالثا
حد يجيب ليا دكتوره بتعرف تطبخ

تطبخ منين وازاي وهتتعلم امتي وهي طول الوقت ع الكتاب
يبقي مفيش إلا انت يا كميل هتتعلم فيك
يعني هتتعلم فيك زيك زي المريض اللي بتتعلم فيه
في استقبال الجراحه
وياسلام لو فكرت تدخل المطبخ تطمن عليها
يعني من بعيد كده ممكن تشوف وسط الضباب والسحب والأدخنه
واحده واقفه بعيد لابسه بالطو ابيض وكمامه علي وشها وبطرف
صوابعها ماسكه السكينه وبتحاول تتوصل بعد 3 ساعات
من وضع الفرخه علي النار
هل الفرخه استوت ولا لسه ؟؟





رابعا
علي السفره بقي مش هقولك
متاكل يا احمد ولا انت عندك anorexia ؟؟

لا أبدا ما أنا باكل اهو دا أنا حتي مش قادر أقاوم الجمال
والحلاوه بتاعت الاكل بس خايف من اللي حصل امبارح
وتضطر تاكل مجامله علشان اليوم يعدي ويحصل
اللي حصل امبارح ...... وهكذا





خامسا
لو حصل في يوم وتعبت بدور برد مثلا
لو واحده مش دكتوره و انت كنت ممثل قدير
وعشت في دور الميت من التعب
هتلاقي جنبك برتقال وعصير وشاي بليمون اخضر
وكل شويه كمادات ميه ساقعه
الدكتوره بقي
هتلاقيها عاااااااادي خالص مش قلقانه مش مضطربه
ما هي عارفه اخرها كام يوم او اسبوع وهتقوم تاني زي الــ ....
وياريت علي قد كده بس لا يا جماعه
دا خد عندك بقي كل شويه
متقوم يا احمد دول شويه
common cold




سادسا
الهزار بقي هيبقي ازاي ؟

خليك كده في يوم طلبت معاك تتفرج علي التلفزيون
واذ فجأة لقيت قناه المولودي " melody سابقا "
ولقيت اغنيه الواد قلبه بيوجعه وعايز حد يدلعه
تلاقي بقي خفه دم محصلتش منها
الواد قلبه بيوجعه اكيد دي
main complaint
طيب تفتكر يا احمد هو كده محتاج ايه
digitals
ولا تفتكر كفايه
هاهاهاها




ولو محصلش هزار يبقي اكيد الاغنيه هتفكرها بمريض
heart failure
مات تحت اديها وخد عندك بقي سرد بالتفصيل
وللمره المليون لنفس القصه
وتحاول تقنعك بعد 15 سنه جواز انها مكنتش غلطانه
وانت بكل مواساه ايوه انا عارف يا مني انك مش غلطانه
* خلاص خلاص خلااااااااص
يخرب بيت ... بهاء سلطان اللي قلب عليكي المواجع
* قلب ؟؟؟ فكرتني نسيت اقلب المكرونه
ثواني وجايه اوعي تغير المحطه
تقلب انت بقي علي قناه للطرب الاصيل
وتلاقي في وشك علي طول ام كلثوم بتقول
" من فرحتي لا بنام ولا بصحي "
وانت سرحان بقي وبتفتكر الذكريات
تلاقي صوت غريب من تحت الارض ...
اه صحيح يا احمد المرحله دي من coma اسمها ايه بقي
المريض لا هو نايم ولا صاحي
prehapatic comaيا مني
قومي وانتي طــــــــــ
طلعتي عيني




سابعا
لو خلاص انت ناوي بقي تتجوز دكتوره وهانت عليك نفسك
يبقي نصيحه ابعد عن تخصص النسا و الاطفال
ليه بقي ؟؟؟؟؟ حد يقولي ليه


مبدئيا كده في النسا هيطلع عينك
كل شويه احمد تفتكر المغص دا عادي ولا في مشكله
اي نعم انا درست نسا بس انت عارف بقي التخصص يا احمد
بيديك خبره اكتر

احمد اصحي احمد اصحي انا محتاجه اشوف baby
في وضعه السليم ولا لاء

دلوقتي يا مني الساعه 3 الفجر

امال انت متخصص نسا ليييييييييييييييه اه قول لييييييييييييه

وطول 9 شهور بقي متابعه من النوع اللي يطلع العين
وطبعا انت مطالب تفهمها كل حاجه
وهي بكل هدؤ: تصدق اول مره اعرف الكلام دا
احنا مكنش حد بيقول لينا الكلام دا في الروند

وكذلك تخصص الاطفال مع اختلاف الفتره ومن تهتم به
يعني في الاطفال هتهتم بطفل او اتنين انت وحظك بقي
وربما يمتد الاهتمام الي تغيير البامبرز

هههههههههه



و فى النهاية
عايزة أقول لكم حاجة
على فكرة أنا صعب عليا أحمد قوى
مش كدة يا منى خليكى ناصحة شوية




علا الاسلام متواجد حالياً