عرض مشاركة واحدة
05-24-2012, 11:00 AM   #425
dr-obgy
شريك متألق
stars-2-3
 
تاريخ التسجيل: Apr 2008
الدولة: my own world
المشاركات: 1,167


صباح الخير

صباح الامل

اتمنى يكون صباح

صباح جميل
صباحنا و صباح شاعرنا هشام الجخ

انا كمان اشاركه نفس الامل
فى نفس الصباح
و يا رب يكون الامل صباحى و مسائى

و فى كل اوقاتنا

على فكرة انا انتخبت امبارح
قبل ما ااروح المستشفى
و الحمد لله كان الجو مريح جدا
و التحضر كان سمة كل شيئ
يا رب دايما

رحمة سناء عندها عزرها
و لا تلوميها مهما كنتى احسنتى ليها
الاسباب كتير جدا فى انها مش عاوزه توصم بلقب شغالة
حتى لو انت و اهل بيتك راعيتوا ربنا فيها
لكن نظرة المجتمع مش بترحم
ثقافتنا و سلوكياتنا و طريقة تفكيرنا عبر عصور طويلة
مش هتتغير فى يوم و ليلة
طول عمرنا حتى فى افلامنا و مسلسلاتنا
بنشوف حياة الشغالة عامله ازاى
اولا
معاملة سيئه جدا من اهل البيت
و نظرة دونية جدا من المجتمع كله
ثانيا
التحرش بيها من رب البيت و كل من كان يحمل صفة زكر من الاقارب او حتى الجيران
يعنى اللى بتشتغل الشغلانة دى عادة بتبقى ملطشة
و ده انا اتحكى لى كتير من خلال عملى كطبيبة
ثالثا
فرصتها فى اختيار شريك الحياة
مش بيبقى عندها اختيارات كتير لان اللى هيفكر فيها هيبقى مين؟
البواب, المكوجى, ...... رغم انها اعمال محترمة و لا انتقص منها
و لكن البنت قد تكون نالت قدرا لا باس به من التعليم و تود ان تحسن من مستواها فعلا
و تود ان تتزوج من ينقلها لحياه افضل

قبل ما نفكر نغير من نظرة البنت للشغلة دى
لازم نغير نظرة المجتمع كله ليها

و لازم كمان نغير من طريقة تعاملنا معاها
و نعتبره عمل زى اى عمل اخر

شكرا منى
و دام قلمك يرصد و يقيم كل ما يحدث بحياتنا
dr-obgy غير متواجد حالياً