عرض مشاركة واحدة
05-24-2012, 10:19 AM   #421
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,426

فتحت شباكى الصبح بدرى
طارت نسمه الصبحية علي
تداعب قلبى وعني
وتبشرنى بنسيم الحرية
يوم 23 مايو
يوم اختيار رئيس من دمى يحمل همى
هختاره اكيد بنفسى وانا ببدأ وأسمى
بداية عهد جديد على كل المصريين
اللى من الاسكندرية واللى من شبين
ريحين بكل الحب ينادو بصوت عالى
الراجل ده عوزينه رئيس لبلادى
والله ده كان حلم وربنا الهادى


احبابى احباب قهوة ورد للفنون
هنبدأ ليلة جديدة سعيدة

بأسعد حدث تمر بيه مصرنا الحبيبة
يوم يتنسم المصرى هواء الحرية
يذهب لصناديق الاقتراع وهو يتيقن ان صوته منصان
يقف فى طابور طويل فى عز الحر وهو مبتسم
عشان عارف ان بقى له صوت
مسموع ماحدش هيشتريه بفلوس
هقول راى ولو بيخالفك يامصرى
ده عمره مايفسد للود قضية
حبيت ادون هذا الحدث الرائع
على جداران قهوتى وبخالص محبتى



واشكر كل من مر بمقهانا وعطر اركانها
باجمل كلمات من القلب للقلب تتقال

حبيبتى هالةوكلماتها المعطرة
حبيبتى ناانو وحضورها المتألق دائما
حبيبتى مبدعة بنسيم طيب قلبها
والدى الغالى جابر الخطاب رفيق يوم ميلادى
الذى زاد برفقته هذا اليوم جمالا وقيمة وتألقا
عمرة مقبولة وارجو الا تنسانا من صالح دعائك
بنوتى الغالية هند وكلماتها الرقيقة
حبيبتى وقريبة القلب موناليزا

احبكم فى الله واسعد دائما
لماتكم ومروركم الجميل


هبدأ بكلمات قالها الشاعر هشام الجخ
فى احد المرشحين الذى اختاره
ولكننا فى ورد للفنون لانميز مرشح
على الاخر ولا ندعم مرشح على الاخر
لذلك سوف اضع نقط مكان الاسم
واى حد ممكن يضع الاسم اللى هو عوزه
فحرية الاختيار يكفلها ورد للفنون للجميع


هشام الجخ
أنا من يوم ما عرفت الدنيا
عمرى ما شفت خيار بلونين
لون للسلطه ولون للدين
وانا مش عارف صوتى لمين
عمرى كمان ماعرفت أقول
كلمة شكر ف وش فلول
طبعا مش هختار من دول
بس انا هحسم صوتى لمين؟
مين فيكم يعرف -------؟
راجل مصرى أصيل وأمين
ضحى بعمره عشانا سنين
ولا بيخاف من سيف الظلم
ولا بيحب يبيع بالدين
حاسس بينا وعمره ما خان
عمره ما يرضى الناس تتهان
شاف الظلم ف عهد الساده
وعمره ما يقبل يبقى جبان
طبعا كده أنا صوتى أكيد
ومن القلب لسيف وضاحى
صوتى أمانه لنسر صباحى
طاير على ------
وبيرفعله رايات فى ضواحى
ف نخل وخضره وصوت لرياحى
بنصر الله وبمدده الواحى
مصر تاريخها خلاص هينور
وهتخلص من كل جراحى
ويفضل فيها طريق أفراحى
ونصرالله للنسر الصاحى
أنا صوتى --------



يوميات شف ورد للفنون

ملاكى البرئ



اجمل شئ فى الوجود ان ينعم عليك ربنا
بملاك من السماء فى هيئة انسان
يساعدك يحبك يرعاك فى كل شؤنك
فقد من الله علي منذ ستة اعوام بفتاة جميلة
كانت بصحبة امها هادئة رقيقة الطباع
سألتها عن اسمها وكانت المفاجأة
انها تحمل نفس اسم بنوتى (رحمة)




فاحببتها و واخذتها من امها لتقيم عندى
وكما ان مفاجأة اسمها اسعدتنى الا انها حيرتنى فى نفس الوقت
كنت عندما انادى على بنتى ترد هى
ولما انادى عليها ترد بنتى
فكرت اناديها باسمها الثنائ
وكانت مفاجأة اكبر انها تحمل الاسم الثنائى لبنتى ايضا

(رحمة سامى)
اخيرا بعد حيرة قررت انى اناديها باسمها واسم امها
لانها سببت لى مشكلة تضحك
كل ما انادى عليها اسمع تلبية النداء منها ومن ابنى فى نفس اللحظة
فقررت انى اناديها (رحمة سناء
فكان هذا انسب تصرف وبتلقائية تعودت هى على هذا الاسم
واصبح اسمها رحمة سناء
كنت عوزة اعرفكم فقط من هى رحمة سناء فى حياتى




ظلت معى ست سنوات اتعامل
معها كانها ابنه ثالثة لدى
حتى ان المحيطين بينا كانو يظنون انها من العائلة
نخاف على مشاعرها ونحبها حتى
بادلتنا هى الحب بالحب
حتى انها اصبحت تفهمنى من نظراتى تعرف كيف يكون يومى
متى احتاج الشئ ومتى ارفضه
ومرت الايام جميلة سعيدة حملت عنى عبئ كبير
حتى جعلتنى اركز فى مطبخ ورد للفنون
واعانتنى على تحضير اجمل الوصفات لمنتدانا الغالى
وبدون اى مقدمات ولا اسباب اختفت رحمة سناء




وتركت عشرة وناس احبوها
لم يسببوا لها يوما اى ازى
تركتهم بحجة انها عوزة تحسن من مستواها
ومش عوزة تكون اسمها شغالة
مع ان هذا اللفظ لم ينطقه لسان
اى احد فى البيت مطلقا
تركتنا لتعمل بائعه ملابس لان الاجمل ان تكون بائعه عن كونها شغالة




بصراحة كانت هذه القصة ليست فضفضة منى عن حدث تعرضت له
بل هى قضية بطرحها عليكم وعلى الرآى العام
ليه العمل كمدبرة منزل شئ مشين لصاحبه
والعمل بائعة غير مشين
ومن الذى صنع هذه التفرقة؟
ولماذا شعرت رحمة سناء بالاهانه رغم انها تنعم وسطنا بالامان والراحة
تتركنا فقط لانها تحب ان يقال عنها بائعة وليشت شغالى فى منزل
رغم اننا لم نعاملها كشغالة ابدا مما جعلها تعاشرنا ست سنوات كاملة
انا لست حزينه لفراقها على اد ما انا حزينه على تفكيرها وتفكير




من يعتقد ان مهنة مدبرة المنزل
شئ مشين وغير مشرف
حبيت ادون قصة رحمة سناء على صفحات ورد للفنون التى كانت جزء منه
لمساعدتها لى اعداد وصفاتى له ومعايشتها يومى فيه لحظة بلحظة
وحابة اعرف رآيكم لماذا تركتنا رحمة سناء؟؟
وهل هى الان اكبر قيمة اجتماعية؟
ولماذا ينفر الناس من الشغالة فى البيوت؟؟
اراكم على خير فى حوار اخر لقضية اخرى فى حياة شيف ورد للفنون
منى سامى متواجد حالياً