عرض مشاركة واحدة
04-12-2012, 10:23 AM   #356
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,426

انامل ذهبية
كنت ببحث عن انامل ذهبية فى الاشغال الفنية
وخاصة فن الديكوباج
كانت من ضمن فنانات وعلى راسهم طبعا
فنانه بقضى معاها معظم يومى
اتكسفت من نفسى جدا
يعنى بيتنا الجميل مليان نجوم وفنانين وببحث عنهم
طبعا اصريت تكون ضيفتى صاحبة الانامل الذهبية
فى منتدانا الغالى المليئ بالانامل الذهبية


صديقتى وحبيبتى نااانو
ملكة الديكوباج كما يلقبها الجميع
هعمل معها حوار هسالها وهى تجيب



-س1 ملكة الديكوباج نااانو عرفى معنى فن الديكوباج؟
هو فن قص ولصق الورق على اى سطح
ممكن خشب او فخار او زجاج
هو فى الاصل فن فرنسى كان الفقراء يستخدموه لتجديد اثاثهم وتزيينه
س2 ما هى الادوات الضرورى استخدامها لانجاز عمل فنى من الديكوباج؟
الاساس طبعا الورق وغراء ابيض
والسطح المراد العمل عليه
خشب او زجاج او فخار




س3 نوع الورق المستخدم لعمل الديكوباج؟
اى نوع ورق
ممكن ورق البوسترات او ورق جرائد به رسمه حلوة
ورق مناديل سفرة
وكمان ممكن ورق كروت المعايدة
س4 هل يصلح عمل الديكوباج على اى سطح سواء املس او خشن؟
تمام كما وضحت سابقا اى سطح ممكن نلصق الورق عليه
وانا استخدمت معجون الحائط بشكل عشوائى خشن
ولصقت عليه ورق النابكنز




س5 ماهو اول عمل ليكى بالديكوباج؟
كانت لوحة ديكوباج مجسم عبارة عن فازة
على طربيزة عليها مفرش
اللوحة موجودة بالمنتدى
وعمرو ابنى اهداها لصديق له
س6 ليه بيعجبك هذا الفن؟
احببته من زمان عندما كنت اراه فى التلفزيون
فى برامج المرأة
واصريت على تعلمه وسألت كثيرا الى ان توصلت
وبالصدفة ان احدى السيدات تعلمه فى النادى
اللى انا عضوة فيه
دخلت مع المجموعه وتعلمته
وطبعا الفضل يرجع لمعلمتى
بارك الله فيها
لم تبخل على بأى نصيحة احتاجها
والحمدلله وبفضل الله اتقنته
لحبى الشديد له وابتكرت فيه
بإضافه خامات اخرى مع الورق




س7 اغلى شئ صنعتيه من الديكوباج تحتفظى به
وبلاش تقولى كلهم ابنائى وبحبهم زى بعض؟


صراحة اخر تابلوه لان الوانه كانت مبهجة
ديكوباج بالوان الربيع
وايضا موجود بالمنتدى
وكل تابلوه كنت انفذه كنت بحب الفكرة المنفذه به
لانى كنت بحاول اضافه جديدة تختلف عن سابقه
يعنى بحبهم كلهم

س8 هل يحتاج فن الديكوباج

المهارة فى اللصق ام انه فن سهل التنفيذ؟
هو فن سهل التنفيذ وايضا يحتاج الى مهارة
فى لصق الطبقات على بعض
فى حاله الديكوباج المجسم
يعنى مش لصق وخلاص فوق بعض
وبالنسبة للنابكنز ايضا يحتاج مهارة
لان ورقه خفيف جدا وسهل القطع اثناء لصقه




س9 تتساءل احدى الفتيات عن فن التعتيق المستخدم مع الديكوباج ؟

وهذا يسمى فن القديم
بمعنى يظهر لك وكأن القطعه قديمة
يمكن له طريقتين
اما بمادة الكراكليه وهى مادة تشقق اللون
ويظهر من تحته اللون الاخر منها الشفاف
فى هذه الحالة يدهن لون ذهبى مثلا اكريلك ويترك ليجف
ثم فوقه لون بنى او اى لون اخر حسب الرغبة
وقبل جفافه تدهن مادىة الكراكليه
فيتشقق اللون ويظهر الذهبى من بين الشقوق
والطريقة التانية هى التعتيق بالتلوين
نضع لون وبفرشاه مثل المدق ندق بلون اخر على اللون الاولانى
او ندهن اللون ونمرر عليه ورقه جريدة بشكل مبروم
فتأخذ معها اللون الزائد ويظهر من اسفله اللون الاول




اتمنى لك التوفيق فى حياتك حبيبتى نااانو
وتمتعينا بالمزيد من اعمالك الرائعة
شكرا لقبولك الدعوة وجزاك الله خيرا على المعلومات القيمة
منى سامى غير متواجد حالياً