عرض مشاركة واحدة
03-29-2012, 12:06 PM   #334
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,426

مذكرات زوج سعيد



وحشتونى يا اغلى صحبة ورد
ياقلوب متعلقة فى حبال الود
ماصدقت ان هند طلبتنى تركت اللى فى ايدى وجيت اجرى
احكى لكم على اللى بتعمله اخرة صبرى
وارمى معاكم همى ويمكن الاقى حل لمشكلتى
مراتى وحبيبتى وأم ولادى ده شئ مفروض مش اختيارى
وانا مبسوط وراضى بحالى
بس لما الشئ بيزيد عن حده لازم يتقلب ضده
الصحة تاج على الروس زى ما انتم عارفين
وصانا عليها ربنا ونبينا الكريم
قال يابن ادم شر ما ملأت بطنك
اوع تأكل فوق طاقتك
لكن الست مراتى ضربت بالكلام ده عرض الحائط
واصبح كل تركيزها المحاشى والمشاوى والذى منه
وصية وصتها بيها الحاجة ولدتها
طريقك لقلب جوزك معدته
لما حصلت الكارثة الكبرى
وزنها زاد واتغيرت الاحوال
كل ده حصلى وجرالى وانا ساكت وفى حالى
لا يوم قلتلها وزنك ولا ابعدى عنى عن اذنك
بص كنت ببص واتعجب على شكلها فى صورة زفافنا
واتحسر على حالى واللى جرى لى
بقى هى دى غزالى الغالى
والتفت والاقيها شئ تانى
ارطال من دهون متحركة لا شكل ولا منظر
لكن برضو ساكت وفى حالى
وفى يوم لقيتها بتبكى وتقولى
خلاص مش قادرة ارحمنى
نظراتك سيف بيقتلنى
والله تخنى غصب عنى
ومن النهارده خلاص هتغير
ومش هخليك تتحير وتندم على اللى فات

كلام جميل اتقال ولا فى الامثال
ومن ساعتها اتبدل الحال بشئ محال يتقال
زادت مصاريف الست اضعاف
مابين ورجيم وايروبكس ودكاترة انظمة غذائية
مش عارفة انها زودت الحمل عليا
ندفع فواتير على اصناف من الاكل
يا إما نبدلها بفواتير ننزل بيها نتيجة كتر الاكل
بقى هو ده العقل

فيها ايه لو نظمنا حياتنا نستمتع بيها وبعيالنا
وكمان نرضى اللى خلقنا
يا اهل الورد دلونى اعمل ايه فى حيرتى قولولى
منى سامى غير متواجد حالياً