عرض مشاركة واحدة
04-03-2008, 12:35 PM   #1
هالة
مراقب عام
Crown5
 
تاريخ التسجيل: Jun 2007
الدولة: القاهرة - الاسكندرية
المشاركات: 26,209
كنت زمان خواطر شعريه

basmala

اسمحوا لي ان اعرض عليكم اسطر
كتبتها منذ زمن واود رأيكم فيها

كنت زمان حلوة بفيونكة ملونة
وشريط حرير يلف كول المريلة
كان همنا انا والصحاب نفتح كتاب
او حتي حل المسأله
حفظ النشيد .. فستان جديد
توكة جميلة .. وسلسلة
كان عذرنا ان الصغار مابيفهموش
كلمة مافيش اوان دي مابتساويش
دنيتنا كانت سكرة
نشربها جوة الكباية
لعبة عروسة ويا عريس
جوة ضحكة وحكاية
كان حبنا لقمة وغموس
شمعة في فانوس
في ايد صغار حينا
كبرنا كبر همنا
ضاع حلمنا
صار التراب يملا عنينا وكفنا
صار السؤال من غير جواب
حتي العتاب هو كمان مش حقنا
ياريتنا فضلنا صغيرين جوا السنين
ولاضعش منا حبنا لبعضنا

اتمني تعجبكم ان شاء الله
هالة
هالة غير متواجد حالياً