عرض مشاركة واحدة
03-23-2012, 09:45 PM   #9
الفراشة الحزينة
شريك ماسي
stars-2-1
 
تاريخ التسجيل: Sep 2011
الدولة: مصر - السويس
المشاركات: 727

حبيبتى / هند
رائع جدا اختيارك
لشاعرنا الجميل صلاح جاهين




خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟

عجبي !!!


ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن


عجبي !!!


ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش


عجبي !!

و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود


عجبي !!!


أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام

عجبي !!!!

يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول

عجبي !!!
الفراشة الحزينة غير متواجد حالياً