عرض مشاركة واحدة
03-19-2012, 09:14 PM   #1
علا الاسلام
مراقب عام
Crown5
 
تاريخ التسجيل: Aug 2010
الدولة: عيد ميلادك احلى عيد
المشاركات: 4,550
ليه الحجاب فرض على كل مسلمه

basmala










إلى كل البنات و الفتايات الصغيرات
هيا نفكر معاً .. ليه أنا محجبة ؟
ليه المسلمة محجبة ؟




أنا محجبة - بعد إيماني بأمر ربنا
إن الحجاب فرض على كل مسلمة
علشان الأسباب التالية :





1 - علشان أنا حرة … مش من حق حد يشوف مني اللي
مش عاوزاه يشوفه إلا بإرادتي … و من حقي اختار مين اللي
يشوف مني أجمل ما عندي .. و اللي علشان يشوف ده و يبقى
حقه و حلاله بلاله عن طيب خاطر .. لازم هو كمان يديني
مشاعره و اللي باقي من عمره عن طيب خاطر …





2 - علشان أنا غالية .. مينفعش أقلل من قيمة نفسي
واخليها عرضة لكل العيون .. ويبقى خروجي مكشوفة ضوء
أخضر لكل من هب ودب يسرق مني ولو نظرة لأي جزء مش
متغطي مني .. حتى لو مكنش ده قصدي … بس مش حقدر
امنعه … (كامل اعتذاري لغير المحجبات.. ولكن ده اللي
حيوصل منك لضعيفي النفوس حتى لو مكنش ده قصدك..
وده اللي علشانه ربنا فرض الحجاب .. علشان ميطمعش
الذي في قلبه مرض) … مع الأخذ في الاعتبار انه
“كل من هب ودب ده” مش بس الشباب اللي بيعاكس البنات
في الشارع .. ده يتضمن اي حد معدي شاب محترم او رجل
او طفل او عجوز او امراة او فتاة .. كل دول بقى من الممكن
انهم يبصوا لي … ))))




3 - علشان أنا باحترم نفسي ..
و شايفة نفسي كبيرة قدام نفسي ..
و ماينفعش أنزل سوق المنافسة في الأنوثة علشان أفوز في
الآخر بنظرة شهوانية أو كلمة غزل رخيصة أو عرض صحوبية




4- علشان أنا جمالي مش خارجي و بس .. و من حقي ان اللي
ييجي يتجوزني .. و اللي حاديله الباقي من عمري .. و اللي
حديله كل مشاعري .. و اللي حاقاسمه أحلامي و أفكاري ..
و اللي حخلف منه ولادي ... و حاربيهم معاه .. ما يختارنيش
على مقاييس شكلية و بس .. أو تبقى هي دي العامل الأساسي
في أختياره ليا … علشان كدة مش ضروري يشوفني في كامل
زينتي و جمالي قبل ما يتجوزني .. الأهم انه يحب روحي
و يعجب بشخصيتي ... و يرتاح معايا نفسياً ..
( أصل في بنات بتأجل الحجاب لحد ما تتجوز .. على أساسا
انها تكون شنكلت واحد و ضمنته.. مع إن مفيش حاجة
مضمونة في الزمن ده .. و اللي اختارها علشان جمالها ..
ممكن قوي يتجوز عليها واحدة أجمل منها..
لأنه أكيد في الأجمل منها يعني ).





5- علشان أنا باخاف على أخويا في الله اللي بيشوفني في
الشغل أو في الكلية أو في المواصلات أو في الشارع ..
و يمكن يكون عاوز يقرب من ربنا .. و بيجاهد نفسه علشان
يغض بصره .. فمرضاش لنفسي اني اكون سبب في اني افتنه





6- علشان أنا باشيل هم أخويا في الله اللي نفسه يتجوز
ومش قادر لضعف إمكانياته المادية..
فمش ضروري يعني ازود عليه همومه..
وأخيِلُه في الرايحة والجاية





7- ده غير حاجة مهمة كمان.. الكفن بتاع النساء.. فيه
حجاب .. فاللي مش ح تلبسه و هي حية بإرادتها طاعة لله ..
ح تلبسه كدة كدة و هي رايحة قبرها .. و طالما ربنا بيقول اننا
نتستر حتى و احنا رايحين قبورنا و خلاص انتهى التكليف ..
و محدش حيشوفنا تاني و لا حد حيطمع فينا .. يبقى مفيش
معنى اننا نمشي مكشوفين لكل العيون و احنا أحياء نرزق ..
يبقى الأولى أطيع ربنا بإرادتي و أقابله و هو راضي عني و آخد
أجري كامل .. و لاّ اني ملبسوش غير و انا جثة و اقابل ربنا
و هو غضبان عليا ؟





الأسباب اللي فوق دي ..
هي اللي فهمتني ليه ربنا فرض علينا الحجاب ..
مش تعسير و لا تضييق ..
الحجاب فعلا عزة و كرامة ..
مايعرفهاش غير اللي داق طعم الستر
ربنا يهدينا و يهدي بنات و شباب المسلمين




















__________________

signature

علا الاسلام غير متواجد حالياً