عرض مشاركة واحدة
03-06-2012, 08:54 PM   #10
dr-obgy
شريك متألق
stars-2-3
 
تاريخ التسجيل: Apr 2008
الدولة: my own world
المشاركات: 1,167

عوده اخى عاشق الروح
للرد على سؤال اختنا الغالية هالة
اللى مش عارفه بداية هل هو سؤال ام اتهام
لو هو اتهام فانا اول واحده ترفضه شكلا وموضوعا
وارفض حتى الرد عليه
لكن لو مجرد سؤال فالاجابة عليه سهلة جدا
انا من خبرتى فى الحياه ومن تعاملاتى مع الناس
اصبحت مؤمنه تماما ان مش اى حد يستحق ثقتى
وفيه ناس كتير جدا بنحتك بيهم يوميا
فى مواقف مختلفه فى الحياة
ونبقى متخيلين انهم كتاب مفتوح
وفى موقف معين بيظهر لنا ان الشخص ده مختلف تماما
وانه طول الوقت كان مزيف وكان متخفى وراء قناع
فما بالك بالشخصيات اللى ممكن تشوفيها فى النت

انا فى صفحتى على الفيس بوك
كاتبه اسمى بالكامل
لانى املك السيطرة الكامله على الصفحة
وعارفه بالظبط انا بضيف مين و بكلم مين
وغير مسموح مطلقا باى شخصية عشوائية
لكن هنا فى المنتدى مثلا
انا مقدرش اتحكم فى مين داخل و مين خارج
ولا اقدر اقول فلان ده مش على المستوى المناسب واحذفه
ولا انا عارفه ال4000 عضو دول ايه ظروفهم
ومين فيهم صادق ومين مزيف
وحتى الاحساس ممكن يخدعنا
عشان كده احب احتفظ ببياناتى الشخصية

دا رقم تليفون عيادتى عمل لى مضايقات كتيرة جدا
فما بالك لو كتبت اسمى و اتعرفت شخصيتى ..
حجم المضايقات هيبقى عامل ازاى
على فكرة من بعد الثورة
و الانفلات الاخلاقى زاد بصورة مرعبة
كتير من الناس فهموا الحرية بشكل خاطئ
و الوقاحة بقينا نشمها زى دخان السجاير
انا مش عاوزه ادخل فى السياسة و لا اتكلم فيها
بس حقيقى انا لما بمشى فى الشارع لوحدى
ببقى خايفة و مرعوبه لانى ببقى مش عارفه
بعد ثانيه ايه اللى ممكن يحصل
انا شكلى طولت
يلا كفايه كده
dr-obgy غير متواجد حالياً