عرض مشاركة واحدة
03-03-2012, 08:03 PM   #4
dr-obgy
شريك متألق
stars-2-3
 
تاريخ التسجيل: Apr 2008
الدولة: my own world
المشاركات: 1,167

اخى الفاضل عاشق الروح


ده ربنا اللى عالم بطبائع مخلوقاته
و ادرى بينا من نفسنا بيقول
(انه كان ظلوما جهولا)
و الرسول عليه الصلاة و السلام بيقول
(كل ابن ادم خطاء, و خير الخطائين التوابون)

حتى الانبياء كان لهم اخطاء
يبقى ازاى حد يجرؤ يقول انه مثالى او كامل
حاشى لله ان ندعى ذلك
و لكن و كما تقول الحكمة
كفى المرء نبلا ان تعد مساوؤه
و كلنا يجتهد حتى يظهر
بصورة لائقة و مشرفه امام نفسه
و امام الناس
و قبل كل شيئ امام الله



بنسبة كم في المائة تُمثل الشخصية الحقيقية
من شخصيتك بالمنتديات ؟

يعنى افتكر حوالى 80%
لان اول انطباع عندى
لو اتكلمنا بلغة الانطباعات الاولى
ان دمى تقيل و مرسومه
الكلام ده اتقال لى كتير جدا
من اعز اصحابى فى بداية معرفتنا
و اى حد مايعرفنيش عن قرب بيقول نفس الكلام
بس افتكر هنا فى المنتدى
مفيش حد شايفنى كده ( على حد علمى)
و انا شايفه نفسى مختلفه
فى انى متحفظة فى تعاملاتى الفعليه
مع الناس بعض الشيئ
لكن هنا واخده راحتى برضو بعض الشيئ
يمكن مسالة تعويض
انا فى مسالة التدين بعتبر نفسى مسلمة معتدلة
و لم احاول ان اثبت هنا عكس تلك الفكرة و الحمد لله
و لاا حب التجارة بالدين ابدا



هل تأثرت بشخصية بالمنتديات ؟

طبعا كل شخصية بيبقى لها تاثيرها
سواء سلبا او ايجابا
و فى شخصيات تتحب و شخصيات منفرة
بس عموما الشخصيات المحبوبه اكتر جدا



ماذا قدمت لك الشخصية المثالية ( شخصية المنتدى ) ؟
وإلى أي مدى تشعر بانتمائك لها ؟

انت تقصد الشخصية اللى بنظهر بيها فى المنتدى
او الشخصية اللى بنحاول نرسمها للاخرين؟
دا على اعتبار اننا بنمثل دكتور جيكل و مستر هايد
لا مش حاسه ان الفرق حاد كده
الفروق بس يمكن فى طريقة المعاملة
لكن مش فى الافكار و المبادئ و الاخلاقيات



ما هي أسباب اختلاف شخصيتك الحقيقية عنها في الـمنتديات ؟

يمكن لانى اعتبر شخصية معروفه
فى المكان اللى بعيش فيه
دا مخللينى معظم الوقت تحت الميكروسكوب
بحاول هنا اهرب شويه
اكون على سجيتى شويه
يعنى هنا الاقرب لقلبى


فى النهاية انا عجبنى الموضوع جدا
افتكر ده كرسى الاعتراف
هههههههه
كل الشكر
تحياتى
dr-obgy غير متواجد حالياً