عرض مشاركة واحدة
03-02-2012, 06:25 PM   #65
dr-obgy
شريك متألق
stars-2-3
 
تاريخ التسجيل: Apr 2008
الدولة: my own world
المشاركات: 1,167

من الاشياء الغريبة اللى حصلت معايا شخصيا
,,,,,,,

الجو الايام دى طبعا ليس له وصف
و الرياح تقتلع الاشجار و اعمدة الانارة
ده انا شخصيا بحس انى خلاص هطير
و من كام يوم
صحيت من النوم مليش مزاج اروح المستشفى
و فعلا طنشت خالص
بس ده مكنش مود تزويغ لمجرد ان الجو برد
انا كنت صاحيه من النوم و فى حاجة بتقولى انى لو نزلت الشارع النهارده
فى حاجة هتقع عليا
شجرة بقى, خشبة, بلكونه,,,,, اى حاجة من الحاجات اللى تودى على الاخرة

و ابتديت اتكلم مع والدتى فى نيتى انى ازوغ كمان من العيادة
بس بما ان الوالدة ست نشيطة و مش بتحب كسلى
قالت لى كفايه انك مروحتيش المستشفى
و بما ان شخصيتى ضعيفه قدامها ..
قولت الطيب احسن هههه
المهم
نزلت الشارع
و مشيت حوالى 10 متر بعد البيت
بسسسسسسسسسسسسسسسس
خشبة كبيرة
قد الشجرة الصغيرة
وقعت فجاه من احد الاسطح
على طرف ايدى
يعنى خطوه كمان لقدام و كانت نزلت على راسى مباشرة

افتكر ده الحدس
و احمد الله انى ما زلت على قيد الحياة
dr-obgy غير متواجد حالياً