عرض مشاركة واحدة
01-05-2012, 11:08 AM   #208
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,426

[]احبابى احباب الورد فى كل مكان
اهديكم اجمل عبارات الشكر والتقدير
وازهو فخرا بردودكم الرائعة
النابعة من القلب ولوجه الله العلى العظيم
اشكر حبيباتى الغاليات على جميل مشاعرهم
التى انظمها حول عنقى واعتز بها
حبيبتى نااانو
استاذتى زهرة الكاميليا
الغالية على قلبى هالة
والجميلة مانينو
والرائعة مبدعة
وحبيبتى بنت تونس
وبنوتى القمر هند





نبدأ ليلة جديدة سعيدة
من ليالى قهوة ورد للفنون
وثقافة من كل لون






عوزة احكى لكم قصة قصيرة عن فنان
فكر يرسم لوحة جميلة يخلدها الزمان
نسج من الصبر والارادة أغلى توال
ومزج من قطرات دمه وعرقه الوان
يزهو بيها احلى مكان
وبدأ يرسم بكرة فى لوحته
جسد فيها معنى عطاء نبع لنهر فاض بجماله
وعلى ضفافه نخيل الحب مايل يشرب من الحانه
حتى طيور السما فى العالى
شايلة سلام وموده وحب
والاشجار عن بعد تسبح
تدعى بكل الخير علشانه
خلى الفن معنى جميل
رسالة حب لكل الناس
وعشان هو انسان حساس
جمع ربه كل قلوب الكون على بابه
تطبطب تمسح همه
تشغل بالخير كل حياته




اهديكم كلمات سمعتها وعشقتها
كلمات سيد حجاب


حبيبتى من ضفايرها طل القمر

وبين شفايفها ندى الورد بات

ضحكتها بتهز الشجر والحجر

وحنانها بيصحى الحياة فى النبات

حبيبتى بتعلمنى احب الحياة

من حبى فيها حياتى شمس وربيع

والحب فى الدنيا طوق النجاة

لولاه يضيع قلبى المحب الوديع

يا حلوة يا بلدنا يا نيل سلسبيل

فى حبك انتى رفعنا راسنا لفوق

لو الزمن ليل ما يرهبنا ليل

شوقنا فى عروقنا تصحى شمس الشروق

للحلوة قلب كبير يضم الولاد

وزاد وزواده وضله وسبيل

الموت و الإستشهاد عشانها بلاد

وكلنا عشاق ترابها النبيل

حبيبتى من تنهيدها حن الوتر

غنت سحر صوتها الشجر والنخيل

بتعلم النجم البعيد السهر

وساب سماه وسرح فى موجك يا نيل

حبيبتى غنوتها غيطان الحنان

شموسه صافيه نورها ماينطفيش

فى حضنها بنرتاح ونلقى الامان

ونعيش و حتى ان موتنا ليها نعيش

يا حلوة يا بلدنا يا نيل سلسبيل

فى حبك انتى رفعنا راسنا لفوق

لو الزمن ليل ما يرهبنا ليل

شوقنا فى عروقنا تصحى شمس الشروق

للحلوة قلب كبير يضم الولاد

وزاد وزواد وضل وسبيل

الموت و الإستشهاد عشانها بلاد

وكلنا عشاق ترابها النبيل[/]
منى سامى غير متواجد حالياً