عرض مشاركة واحدة
12-29-2011, 03:29 PM   #203
هالة
مراقب عام
Crown5
 
تاريخ التسجيل: Jun 2007
الدولة: القاهرة - الاسكندرية
المشاركات: 26,204

[]بحبك يارسول الله
من القلب للقلب رسول
كلمة كنت باسمعها دايما
من جدتي الله يرحمها
الكلام اللي من القلب
بيدخل القلب من غير استئذان
وانا دايما باقول لنفسي
ان القلب ع القلب رحمة
وان ربنا بيرزقنا ناس
نعرفهم على البعد
يألف بين قلوبنا
ويجمعنا على حبه
قبل حب الدنيا
ناس * تطبطب على القلب *
تهون عليه وجعه وتعب الدنيا
كل اللي بيطمعوا فيه
قعدة حلوة ولقمة بالهنا
يتقاسموها ويروحوا وقلوبهم
مليانة حب وود لبعض
احنا اتقابلنا وكأننا نعرف بعض
من زمان ... وكأن الملائكة
كانوا حوالينا بيباركوا لُقانا
اتمنى اني اقدر اجمع
كل اهل ورد في مكان
واحد على ارض الواقع
زي ما احنا متجمعين
في اجمل صحبة ورد
انا شوفت احبتي بعيون قلبي
قبل ماتنظرهم عيوني
الحبيبات
زهرة الكاميليا
ناهد
وصاحبة قهوتنا الحلوة
منى
وكل الحبيبات زهرات ورد
والاخوه شباب ورد
كبار وصغار
وصاحب البيت الجميل
اللي ربنا يبارك فيه
على قد تعبه علشان
يجمع اجمل القلوب
في بيته العامر بالحب والود
استاذي الغالي محمد ورد
لو تعرفوا قد ايه بتهونوا الدنيا عليَّ
ربنا يبارك فيكم كلكم
ولا يحرمني من صحبتكم الهنية
مش لاقية كلام اقوله ثاني
لكن اهديكم كلكم اغنية حلوة
فيها بعض من اللي في قلب
لكم من ود وحب في الله

احلى الاماني فيك يازمان
لقا الاحبة في كل آوان

اغنية فريد الاطرش
[/]
__________________

signature

هالة غير متواجد حالياً