عرض مشاركة واحدة
12-29-2011, 09:06 AM   #197
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,426

عندما تلمع نجوم السماء فى الفضاء
ويغطى نصف الارض ضوء القمر
ويفترش نصفها الاخر شعاع الشمس
تمتلاء قلوب الخلائق نور ومحبه
ويسعد قلبى بلقاء اغلى صحبة
اشكر كل من مر بمقهى منتدانا
اسعدنى رد كل الغاليين والغاليات
حبيبتى الجميلة هالة
صديقتى الرائعة نااانو
اخى الغالى السيلاوى
حبيبتى الجميلة فراشة حزينة
واختى الرقيقة مبدعة
بنوتى الغالية علا الاسلام
اخى الفاضل ملك
كل حروف اللغة العربية
لو نسجتهم تاج على رؤسكم
لن تفى حق محبتكم دمتوا
لى خير صحبة اسعد بها

ليلة جديدة من ليالى
قهوة ورد للفنون وثقافى من كل لون


وعودة لفيلسوف ولاد البلد
ونشوف هيقولنا ايه




الفيلسوف قاعد يفكر سيبوه
لا تعملوه سلطان و لا تصلبوه
ما تعرفوش إن الفلاسفه يا هوه
اللي يقولوه بيرجعوا يكدبوه
عجبي !!!


على بعد مليون ميل من أرضنا
من الفراغ الكوني بصيت أنا
لا شفت فرق بين جبال و بحور
و لا شفت فرق ما بين عذاب أو هنا
عجبي !

إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!

نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي !!!

- يا نجم .. نورك ليه كده بيرتجف ؟
هو انت قنديل زيت ؟ أو تختلف
- أنا نجم عالي .. بس عالي قوي
و كل ما انظر تحت اخاف انحدف
عجبي !!!!


السم لو كان في الدوا منين يضر ؟
و الموت لو عدونا .. منين يسر؟
حط القلم في الحبر و اكتب كمان
.. و العبد للشهوات .. منين هو حر؟
عجبي !!!
منى سامى غير متواجد حالياً