عرض مشاركة واحدة
12-19-2011, 08:35 AM   #1
هالة
مراقب عام
Crown5
 
تاريخ التسجيل: Jun 2007
الدولة: القاهرة - الاسكندرية
المشاركات: 26,200
زجل من وحى احداث الثوره

basmala

[] لاني مصرية وام قلبي وجعني
على كل اللي بيحصل
مش عارفة اصدق مين
ولا اكدب مين
كله بيكدب وبيصدق
وللاسف توهنا مابين الاثنين

ماليش كِيف اطل برا شباكي
ولا اطرح في بحر نيلك غزل شباكي
تعبت وتُهت مابين ضاحك وبين باكي
ماهو انتي ام للاثنين الضارب والشاكي
وابنك شهيد ياترى ...
بتبكي عليه ولا ... بتتباكي

تعبت بجد وقلبي اتملى بالهم
زمان قالوا انا واخويا سوا
على ابن العم
اتاري العم وولاده مابين الاخوات
بيزرعوا غربة وبيطعموهم سم
وبسهم غدر سهانا ... ورماكي

نروح فين ومن حبك قاسينا كثير
طمع طماع وحرامية ... ريس ووزير
دا يأَكِل دا والثالث ... مالوش في الخير
والرزق يحب الخفية ... شوية تغيير
اكلونا لحم وقالوا عظامنا
هي دواكي

قفلت عليَّ الباب
كافي خيري شري
طل الشر من بين
ضلفتين شباكي
صراخ وعويل ودبشة طوب
بتقتل طيري في سماكي
وأرواح طالة علينا من فوق
تشكي لله ...
ظلم من ولاه ... لحماكي
[/]
__________________

signature

هالة متواجد حالياً