عرض مشاركة واحدة
12-15-2011, 10:16 AM   #176
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,426

مذكرات زوجة مثالية



اخدنى الحنين لايام عدت من سنين
شايلة جواها آهات وذكريات وحنين
وكباية شاى الساعة خمسة مع صوت ام كلثوم
واجمل كلمات اتكتبت دوا يخفف هموم
فكرونى بكلمة حلوة من حديث الروح
وبذكريات محفورة فى قلبى الحب كله يفوح
دارت الايام ولفت ماقدرت يوم انساك
ثورة الشك اقوى منى وحيرتنى فى هواك
لسه فاكر هسمحك وهبكى على الاطلال
انت الحب مش هنكر بس قلبى من غدرك شال
اروح لمين واشكى هواك وجفاك
هجرتك مع انى حلمى ان يوم القاك
عودت عينى على رؤياك وهواك ملكنى
وبالف ليلة حلمت وسيرة الحب جننتنى
واتنست قصة الامس فى ثوانى عذاب
وقضيت عمرى فى انتظارك والقلب داب
امل حياتى ترجع قبل ما يفوت المعاد
هكون فى انتظارك انا وعمرى الحلو ينعاد
يومها هقول افرح ياقلبى لك نصيب
انت عمرى وحياتى واغلى حبيب







يوميات زوج سعيد
دعوة خاصة من حبيبتى هند



مراتى محيرانى وبتقول انى من زمن تانى
لازم اساير الموضة عشان ما اكنش انانى
واوافق على كل طلباتها عشان اعجب صحباتها
اعوج لسانى بكام كلمة اجنبية
وتصرفاتى لازم تكون بحنية
اقلد تامر فى كلامه وعمر دياب فى هيامه
وكمان لبسى بتدخل فيه
عوزانى اتكجول واتروشن وابقى كوول
ياناس فهموها ده مش معقول
اللبس والاكل حرية شخصية
مادامت مش هضر الغير
وبعادتنا وتقاليدنا نملى الدنيا حب وخير
ولما اتكلم وافهمها تزعل
وتقول
انت كدا دايما تحرجنى وسط الناس
عاوزهم يضحكوا علينا ويقولو اننا مش كلاس
لا يوم جيت معايا النادى ولا
خرجتنى يوم فى حياتى
حتى يوم الاجازة ببقى فى البيت محتاسة
هو انا مش انسانة
نفسى العب معاك تنس ونروح سوا الايروبكس
ونتعشى فى فندق فايف ستارز على النيل
ونسمع اغانى طول الليل
ده حتى الساونا والجاكوزى بحضرهم لوحدى
انا كدا ماليش حظ اهى ايام بتعدى

بالذمة ده كلام ناس عاقلين
وليهم مخ وفاهمين
نسيتى الشغل وتعبى ليل ونهار
ولا رجوعى للبيت وانا منهار
ده انا ما بصدق يوم اجازة من نفسى
عوزانى اقضيه فى فسح آهد نفسى
حرام عليك يامدام ده انا عمرى معاكم ضاع
وانت غاوية تتمردى على كل الاوضاع
هسيبك لاهل منتداك يفهموك صح
واروح اشرب فنجان قهوة وصحصح
سلام
منى سامى غير متواجد حالياً