عرض مشاركة واحدة
12-10-2011, 09:21 PM   #1
علا الاسلام
مراقب عام
Crown5
 
تاريخ التسجيل: Aug 2010
الدولة: عيد ميلادك احلى عيد
المشاركات: 4,556
حكاية قلب ادخل وشوف

basmala

[]





[]حكاية قلب







[]كان قلب طيب [/]
كان قلب طيب فيه خير
كان قلب حي وبيحس

بيبكي ويتألم

شايف طريق

عارف إنه لابد يمشيه

آخره جنه أو نار

رضا ربنا أو سخطه سبحانه وتعالى





[]كان عارف طريقه [/]

لأنه ماكنش عايش في دنيا

كان دايماً طواف حول عرش الرحمن

كان معلق بحب الله





[]كان مبسوط ومرتاح[/]
كانت الهموم تلف حولينه بس ماتقربهوش
الشيطان فقد فيه الأمل
ورجع لأبليس
ياعم ده خلاص مافيش منه فايده
نسيبنا منه ونركز على قلب ضعيف
قلب سهل دخول إليه
إبليس فكر وفكر
ورجع أعوانه تاني
من أول وجديد يحاولو
يمكن بطريقه تانيه
بس الهدف هو هو
ينزل لسابع أ رض
ينزل في وحل الغفله والشبهات
ينزل تحت أكتر وأكتر
ينزل في جهنم والعياذ بالله
وابتدوا مع القلب من جديد
أخدوه واحده واحده
واحده واحده
وابتدوا يحفروا في سد منيع
سد الأستغفار والتوبه
للأسف نجحوا
عرفوا يدخلو للقلب




[]القلب شاف شهوات كان بيشوفها ويغمض [/]

ابتدى يشوفها ويفتح

مهما كانت بسيطه وحاجات خفيفه

بس اهو عرفنا ندخل للقلب

براويز اتعلقت جوا

سهر و مجون

أغانى هابطة

حب الدنيا

ضياع الوقت

ابتدى ينزل و ينزل




[]و لما ابتدى يفوق ويرجع [/]

يحاول يطلع تاني

يرجع يطوف من تاني

يحس بحلاوه الصلاه والذكر

لكن كان فيه براويز شهوات لسا متعلقه ومش قادر يشلها

يحاول يقدم رجل ويأخر رجل

يحاول وهو مبسوط بالي فيه

نزل أكتر بدل ماطلع

نزل ومن فقدان الحلاوه لترك الطاعه اللى زينها له إبليس

نزل أكتر واكتر

معاصي وذنوب وغفله

نور القلب انطفى





[]لقى الشيطان عامل حفله [/]

جامع فيها ابليس واعوانه

ضحكوا عليه للصبح

نجحنا نجحنا

عرف انه اتضحك عليه

عرف انه اتاخد غدر

معقوله ماكنتش شايف

ماكنتش فاهم !!

شال ذنوبه على كتفه

حس بتقلها

اتكعبل ووقع

وقع على وشه

نزلت دمعه من عينه






[]نزلت دمعه مكسوره [/]

مكسوفه

هو يمكن ؟؟

دمعه تانيه نزلت

دمعه تانيه مقهوره

محسوره على جنه ضيعتها

محسوره على معاصي وذنوب

دمعه تلاته نزلت

دمعة اشتياق

ياااااا
نفسي ارجع تاني ذي ماكنت

صوت انفجر من نفسه

يــــــــــــــــارب



[]طوفان نور [/]

طوفان نور شال ذنوبه من على كتفه

طوفان نور اخد ابليس واعوانه

غرقهم

رجعهم محسورين

رجعهم خزلانين ومحسورين

والقلب رجع بفضل الله ورحمته

رجع للنور







[]رجع طواف حول عرش الرحمن [/]

رجع نادم ينادي

يا تواب
يا غفور
يا رحيم
سمع صوت من بعيد
طمنه
ريحه
رجعه



[]قال تعالى " وَإِنِّي لَغَفَّارٌ لِمَنْ تَابَ وَآمَنَ وَعَمِلَ صَالِحًا ثُمَّ اهْتَدَى " [/]





[]الله الكريم[/]

أنت عبده

عرفك الأسلام من غير ماتطلب

علمك إياه من غير ماتسأل


أذاقك حلاوة القرب من غير ماتسعى

فكيف وانت تائه حيران منكسر

تطلب التوبه والرجوع



[]تطلب العفو والمغفره [/]

سبحان من لا إله الا هو

هو أرحم الراحمين وأكرم الأكرمين وأجود الأجودين

يامن لا إله إلا أنت

تقطعت بنا السُبل

وندمنا على مافعلنا

ولا حياة لنا إلا برضاك وعفوك

وكيف تطيب الدنيا وأنت غير راضي عنا

يامن لا إله إلا أنت

سبحانك إنا كنا من الظالمين

أنت الغفور

أنت الرحمن

أنت الرحيم

أنت لك الأسماء الحسنى

وأنت الله ذو الجلال والأكرام

أقبل عبدا ضعيفاً يسألك

قلب طواف حول عرش الرحمن





















فى أمان الله و حفظه



[/]
[/]
__________________

signature

علا الاسلام غير متواجد حالياً