عرض مشاركة واحدة
12-08-2011, 08:39 AM   #164
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

اجمل زهور بستانى الجميل
اريج فنكم وذوقكم يملا اركان الكون
دائما يسعدنى تواصلكم معى
وزيارتكم مقهى منتدانا
وكلماتكم الرائعه

حبيبتى الجميلة مبدعة
اخى الغالى السيلاوى
حبيبتى الرائعة هالة
نورتنم باجمل طلة لا تحرمونى زيارتكم
يوم جديد سعيد
من قهوة ورد للفنون

ولان قهوتنا قهوة خير ومحبة
فيها قلوب صافية واجمل صحبة
تفرح جدرانها وتتزين لفرحنا
ولما نبكى تبكى عيونها لاحزنا
هى كدا قهوتنا
غير كل القهاوى
حاسة بينا ولينا بيت جميل دافى
شجرة محبه تميل فروعها وتتمدى
بكلمة تتقال بصدق وقت الحاجة
خارجة من لقلب مش محتاجة
ماهى داخلة زى السهم من الودان
بحبكم وفى قلبى ليكوا اجمل مكان






شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!



إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!



إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي !!!


يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !!!!



في يوم صحيت شاعر براحة و صفا
الهم زال و الحزن راح و اختفي
خدني العجب و سألت روحي سؤال
أنا مت ؟ و لا وصلت للفلسفة
عجبي !!!


مذكرات زوجة مثالية




الجنان ده حالة مرضية واحيانا بيكون نفسية
مش نقص ذكاء ودهاء ده بس قصور فكرية
وانا عندى صديقة مجنونه مهوسة بالمشتروات
تحب تروح افخم المولات ودور على اعلى الماركات
وتتباهى بكل زينتها فكراها شياكة واناقة
لو يوم غلط ووصفتها الاقيها تقول وهى محتارة
و لستة ماركات اترصت بمهارة
اللى من جوتشى واللى من زاره
ولا مستحضرات التجميل وحياتك دى من شانيل
وتلف بيك ودور مع كريستاند يور
وبيوت الازياء العالمية حفظاها ميه فى الميه
مش عارفة دى قلة عقل ولا دى حالة مرضية
مش لازم يكون nike و adidas هم شعارنا
ولا دامس ولازوردى سر جمالنا
بالبساطة مافيش احسن منا
فستان بسيط برقة يفوق كل الماركات العالمية
لو ملبوس بجمال الروح اكيد هيفوح عبير منه
قالو فى الامثال زمان كلام موزون
الاناء ينضح بكل شئ مكنون
لو روحك حلوة وللخير عاشقة
كل الناس هتشوفك ملكة
عرشك رضى ربك
ونور الطاعة كحل عنيكى
وزينه شفيفك الكلمة الحلوة
المبالغة فى الشئ تتقلب ضده
كلمة بقولها لك فى ودنك
ياللى بتتباهى بلبسك
بصى كدا للكون من حولك
رقة الورده فى جمالها وبساطتها
مش محتاجة تتباهى بريحتها
ولغاية ماتفهموها قصدى هروح قهوة منتدانا
ادوب مع فنجان قهوة

منى سامى غير متواجد حالياً