عرض مشاركة واحدة
12-01-2011, 09:45 AM   #157
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

دخلت بستان الحياه ابحث عن الصحبة
هدانى ربى لقلوب مليانه بالمحبه
شفت فيهم صفات كتير جميلة
واتمنيت اعيش معاهم كل ليلة
لقيت الورد فيها له معنى تانى
مش عبير ورحيق وشويه امانى
اتعلمت منه الكرم واجمل معانى
الواو
ناديتنى بصوتها العالى وقالت تعالى
عندنا الود والوفا ووعد واجمل امانى
والراء
برقة و حياء اتبسمتلى
وهديتنى رحمة ورأفة فى كلمات اتشكلتلى
والدال
ضحكت ودلتنى على السكة وخيرتنى
دعيت ربى ساعتها منهم مايحرمنى
وعلى قلوبهم الجميلة دائما يطمنى




يوميات زوجة مثالية

النهارده يوم الخميس صحيت بدرى كالعادة
صحيت الاولاد ولبستهم وفطرت ابنى حمادة
ووصل باص المدرسة فى معاده وركبو بكل سعادة
واخدت نفس عميق وعلى المطبخ قوام جريت
حضرت فطار راضى زى كل يوم فى معادى
ولانى بحب الرياضة مارستها كالعادة
ما انتم عارفين الروتين اليومى
لازم يكون فى حاجة احط فيها همومى
مسكت الورقة والقلم وباقى مصروف البيت
وبحسبه بسيطه لقيت الدنا ملخبطة
مابين دروس الاولاد والمشتروات
الميزانية نصها راح
وعشان ابقى ست شاطره لازم الاقى مليون فكرة
اوفر بيها من مصروف البيت احترت طبعا ولاقتنى ناديت
على البواب أسأله على الاسعار
لاقيته بيشتكى من الجزار اللى بيغالى فى الاسعار
ولا بتاع الخضار اللى بينادى ليل ونهار ومولعها نار
قررت اخد استراحة
وفى عز تفكيرى حنيت للماضى
ايام ماكنتش شايلة هم فى حياتى
وفجأة اشتقت لفنجان قهوة
ومع اول رشفة دمعت عينى
تذكرت فنجان قهوة امى
كنت اعشقه واضع فيه همى
وهى تسامرنى بصوتها الحنون الهادى
وبريق عينيها يخطف عقلى وفؤادى
وكانت دى اجمل ذكرياتى
فنجان القهوة وصوت العندليب الشادى

اترككم فى حفظ الله
والى لقاء اخر مع يوميات زوجة
منى سامى غير متواجد حالياً