عرض مشاركة واحدة
11-29-2011, 09:02 AM   #4
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,426

[]حبيبتى الجميلة طيبة القلب
علا الاسلام
طيبة امك مصر
عايشة فى الروح والقلب
لما يمسها شر تبكى الدنيا
وانا بضم صوتى لاصوات كل البشر
ربنا يحمى مصر
ويعدى هذه الفترة على خير

واهديك بعض كلمات كتبتها فى هذه الاحداث
كلمات من قلب يعشق ترابها
خارج حدود الوزن والقافية
بس موزون بالانتماء والحب
كتبتها بعد بكائى على احداث التحرير الماضيه
تخيلت مصر تبكى وتقول
[/]


[][/]


[]صحيت
فى يوم وانا لبسة توب الحرية الجديد
والدنيا حوليا بتهتف باسم الشهيد[/]


[]لقيت
اقزام كبار يتحكموا فى قوت الفقير
ويكمموا افواه تطالب بالتغير
وصحيت
على حلم كنت سعيدة بيه
الحرية توب جميل انا كنت فيه
وتأكدت
انه توب مغشوش اتوهمت بيه
وان دم الشهدا عار موصوم عليه
وندمت
لما انا قصرت فى حقه واتهاونت
ومن الاوباش مااخدتش حقه واتساهلت
واتخدعت
انا فى اللى حلف اليمين وقال هحميها
اتاريه امتداد للفساد ومابكاش يوم عليها
وناديت
ياولادى اصحو فوقو الوقت فات
آن الاوان نرجع حق اللى مات
وبكيت
لما لقيت ابنى بيموت بأيد اخوه
بدم بارد فتنوا بينهم خوفوه
وحلفت
لأوصم بعار كل من جار وخان
واخد بحق الشهيد مهما كان[/]


[]أشهد ياتراب الشوارع دم ابنى مش رخيص
أشهد يا كتاب التاريخ على كل واحد خسيس
أشهدوا يا كل البشر المصرى طول عمره بطل
تدور عليه الدواير وهو عمره ما انكسر[/]
__________________

signature

منى سامى غير متواجد حالياً