عرض مشاركة واحدة
11-25-2011, 01:42 AM   #154
السيلاوي
شريك فنان
stars-2-6
 
تاريخ التسجيل: May 2011
الدولة: بلاد العرب أوطاني
المشاركات: 2,032

مريت بطريق الورد وعديت على
ميدان التحرير
شفت العجب ياناس
وشفت قد ايه في تغرير
شباب بتتدبح مش طالبه حاجه
مش طالبه ياناس غير شويه تغيير
شباب عايزه تحمي البلد
ويكون بأيدها تقرر المصير
وصلت قهوة الورد
يا قهوه قاصد بيبانك
سمعت صوتك يا منى وسمعت أحزانك
بكيت على الحال يا اختي
ودبحتني أشجانك
رفعت ايدي للسما ودعيت من قلبي
عاللي غدر بيكي يامصر
وعاللي هانت عليه العشره
وقدر يوم وخانك
بكيت على جيشك يا بلد
بكيت على شعبك يابلد
طب ليه دا يحصل
ما كلهم شبانك
يا خال يا عبد الرحمن
رجع انين المساجين
افتح باب النهار للشمس
واهدم الزنازين
احمل سلاح الحق والعدل
واطرد كلاب السكك
من كل الميادين
اختي منى سامي
كم كان بودي ان ادخل قهوة ورد للفنون
بمزاج رائق وان اجلس في مكاني المعتاد
فيها واستمتع بكل جميل
أن اشرب قهوتي المضبوطه
المحوجه بالحب
ولكن للاسف طلبتها ساده علها تتناسب
مع ما في الحلق من مرار
وارتشفتها قطرة قطره مترحما على أرواح
من سقط ومن سيسقط من شهداء الحريه
واتمنى ان احضر في المرة القادمه
لنشرب سويا شربات الانتصار
بارك الله فيك ورعاك اختي منى


__________________

signature

السيلاوي غير متواجد حالياً