عرض مشاركة واحدة
10-04-2011, 09:29 PM   #2
جمال الحسينى
شريك برونزي
stars-1-5
 
تاريخ التسجيل: Oct 2011
الدولة: مصر
المشاركات: 177

السلام عليكم ورحمة الله

أولا أى أسلاميين تقصدى؟؟

عموما الأخوان ما يبدوا منهم أنهم كانو مظلومين
وتعمد النظام السابق تشويه صورتهم أو أنهم يخادعونا حتى يصلوا الى الحكم .. الله أعلم بالنوايا

اما السلفيون والجماعات فهم أضعف حاليا أن يكونوا
أغلبية تشكل حكومة

لكن لو تخيلنا الوضع كما يتخيله الكثيرون

اولا : كله يلبس جلباب مينى جيب ويطول ذقنه 9 متر ... والنساء يتنقبن واللى ما ينفذ الأوامر يتجلد أو يقام عليه الحد

ثانيا ما فيش حاجة أسمها سياحة ونساء أجنبيات تأتى بلادنا سافرات عاريات وخمور .
ثالثا: غلق البنوك . على أساس انها بنك عم عبده اللى مش لاقى ياكل وأنا باعطيه 100 جنيه مثلا ليأكل بها هوا واولاده واحصلها منه 110 . وعلى أساس أن البنك مافهوش جيش من خبارء الأقتصاد وبيحسبوا كل شيىء بدقة وعلى أساس أن البنك
لا يشغل نقودى ويعمل مشروعات قومية ومساكن ومصانع تفيد كل المجتمع بما فيهم انا.ويحقق الهدف الذى اعطانى الله المال من أجله وهوا دورانه وتشغيله لفيد كل الناس بدلا من كنزه تحت البلاطة.

رابعا : مافيش كورة واللى يتفرج على ماتش كورة
يجلد أو يتم إرسال مجموعة إستشهادية تفجر الأستاد بما فيه من كفرة بيضيعوا الوقت فى الكورة
بدل الصلاة والعبادة وبدل ما يناموا بعد صلاة العشاء لقوموا يصلوا الفجر.
وطبعا مافيش فن لآن الفن حرام والموسيقى والتمثيل حرام .. وشركات المحمول حرام

وطبعا ستلغى معاهدة السلام وتعلن حالة الجهاد
لكن أولا قبل جهاد الصهاينة ستقوم الحكومة بالجهد ضد غير الملتزمين من المسلمين أنفسهم
حتى ينتصروا على شيطانهم .ثم من يتبقى منهم بالصلاة على النبى
يبقى يجاهد الصهاينة ..
ثم فاتنا أن نذكر ان الديموقراطية بدعة والبدعة حرااام ........... ثم أنا دخلت الأنترنت أصلا ليه .؟؟؟
وأنا عارف انه بدعة.؟؟؟؟
---------------------------
ربنا يستر على مصر وتفضل كما كانت طوال عمرها
أسلامية وسطية تنويرية بمرجعية أزهرية .
لو حكمتها حكومة مستنيرة واعية بتعاليم الأسلام
السمح الحقيقى فسوف تقفز خطوات عملاقة الى التقدم والرفاهية فى مدة قصيرة . سواء كانت
حكومة أسلامية أو ليبرالية أو علمانية .

شكرا لك
شكرا جزيلا
جمال الحسينى غير متواجد حالياً