عرض مشاركة واحدة
09-07-2011, 12:00 PM   #175
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,426

هند


فى فقرتنا الاولى (والاخيره )
الليله ديه
معانا ضيفه مش عاديه
نورت ليالينا بخيميتها الرمضانيه
فكان لازم نرد دعوتها السخيه
ونعزمها على فنجان شاى
حبيبتى الجميلة هند كم اسعدتنى دعوتك الجميلة
وانشرح قلبى لكلامك الرائع وروحك الصافية
ولن أخفى عليك ارتباكى وتشتت افكارى كأنى داخلة أمتحان
وأتفاجأت ايضا بصعوبة الاسئلة الله يكون فى عونكم(سامحونى)
اتمنى اكون ضيفة خفيفة تسعدو بها

س1 اذا اعطيتك المايك وقلت لك عرفينا بنفسك

فماذا تقولى؟

أقولك ياستى انى انسانة بسيطة جدا بحب الفن
فى شتى مجالاته وخاصة فن الحياة
وهو ان تسعد بقلوب من حولك وتترك ذكرى جميلة بينهم
وكمان انا زوجة وام لعريس هيتزوج بمشئة الله يوم21-اكتوبر
وبنتين قمرات ماليين على حياتى
ومراقب ورد للفنون اجمل منتدى

س2لو اعطيت حضرتك ورقة وصحن ومذياع

فما هى الجملة التى تكتبيها حالا ؟ولمن ؟

وماهى الاكلة التى تشتهيها فى الصحن؟

وما هى الاغنية المفضلة التى ترغبين فى سماعها؟

اولا اكتب حالا مقولة بحبها جدا أضعهانصب عينيا
أعمل لدنياك كأنك تعيش ابدا
وأعمل لأخرتك كأنك تموت غدا

ثانيا-الاكلة هى محشى ورق عنب من يد أمى الغالية
واحنا متجمعين عندها انا واخواتى

ثالثا-انا بحب الاغانى القديمة كلها
بس لو أخترت أغنية اسمعها حالا
هتكون (كان أجمل يوم)
لعبد الوهاب




كان أجمل يوم يوم ما شكالي

قلبي من حبك وأنا خالي

كان اجمل يوم

كان لي قلب نسيته من ظلم الناس وجفيته

في عينيك الحلوة لقيته مرتاح وارتحت معاه

كان أجمل يوم

شبكتني في حبك نظرة شغلتني من غير ما ادري

من يومها حبيت بكره وشهور وانا بستناه

كان أجمل يوم

وحياة من وهبك لي ارحم من روحي علي

أجمل من ضي عيني يوم واحد مش حانساه

كان أجمل يوم
س3 كيف تعرفت على ورد للفنون

وكيف اصبحت مراقبه فيه وما هى خطتك لتطويره؟

تعرفت على ورد للفنون عن طريق محركات البحث
بحثت عن تابلوهات جلد ودخلت وشاركت
كانت خبرتى بالنت قليلة جدا
بس لقيت رعاية واهتمام واتعلمت كتير حتى اصبحت مراقب
كل املى ان احافظ على المنتدى وافكر دائما
فى كيف ازينه باجمل موضوعات تفيد الناس
خطتى لتطويره---بصراحة الادارة عاملة اللى عليها وزيادة
فى البحث عن كيفية تطوير المنتدى ليل نهار
ولكن اتمنى ان انشط منتدى الكمبيوتر
بدروس تعليمية فى الفوتوشوب ودورات تعليمية فى الكمبيوتر
تفيد المبتدئين
وكمان اضافة فيديوهات لعمل الوصفات الصعبة
فى المطبخ ليكون تعلمها اسهل

س4 قد نتعرض لمواقف محرجة ولكن بعد مرور الوقت تصبح اضحوكة نتحدث بها
فما هو الموقف المحرج الذى تعرضت له؟

هههههههه
انا عندى مواقف محرجة كتير مع اولادى
وده طبعا بسبب اختلاف الاجيال
يعنى فى مرة ابنى بيتكلم فى الموبايل بسماعه البلوتوس
وافتكرت انه بيكلمنى انا وبرد عليه كل الكلام
اتفاجئت بضحك البنات على ياماما مش بيكلمك انت
طبعا كنت محرجة جدا بس عادى بتحصل فى احسن العائلات

س5 التواضع من اجمل صفات
الانسان القريب من الله
فهل لمس الغرور قلبك يوما؟

الحمد لله عندما اشعر بالغرور يلمس قلبى
اتذكر موقف قصه الشيخ الشعراوى رحمه الله
انه كان يحضر جلسة علم وفسر فيها وجود الله بالادلة العلمية
ونال على اعجاب كل الموجودين حتى ان الناس
شالوه بالعربية وهو ماشى من سعادتهم بيه
وعندما احس ان الغرور لمس قلبه طلب من اولاده ان
يتوقفوا امام مراحيض عامة فى احدى الشوارع
وعندما تأخر دخلو عليه وجدوه يمسح البلاط
واخبرهم انه يزل نفسه حتى لا تتعالى
لان هذا من فضل الله عليه
ولولا تفضل الله علينا بالكثير ماكنا نمشى على وجه الارض

س6 لو حبيتى تبعتى اربع مسيجات

لاربع اشخاص فى المنتدى فلمن وماذا تقولى لهم

اختارى الاشخاص الاربع
واكتبى المسيجات لهم؟

السؤال ده من اجمل الاسئلة
لانه يعطى فرصة نكلم اشخاص قد تحول الظروف بيننا وبينهم

اول مسيج
استاذى الغالى محمد ورد
جزاك الله خيرا على هذا المنتدى الرائع
وادارتك المميزة باحترام وتقدير لكل الاعضاء
كانت النتيجة التفاف اروع قلوب حول ورد للفنون

المسج التانى
هيكون لبحار منتدانا الغالى
اقوله--اشتاق منتداك لموضوعاتك الرائعة
وردودك المميزة

المسيج الثالث
لكل عضو متكاسل يبخل بان يترك كلمة شكر
اقوله الكلمة الطيبة حسنة فأغتنمها يا اخى

المسيج الرابع
لكل الاعضاء التى تدخل لتنقل موضوعاتنا الحصرية
الى منتدياتهم من الامانه ان يذكروا المصدر
لان هذه الموضوعات متعوب فيها

س7 ما هو لونك المفضل؟

انا اميل للالوان الداكنه بطبيعتى
الاخضر الغامق والازرق والله عليه الاسود رائع
وملك الالوان

س8 ايهما تفضلين الشروق ام الغروب و لماذا؟

افضل الشروق جدا والغروب يشعرنى بالانقباض


س9 الحلم شئ رائع والاروع تحقيقه

فما هى احلامك وهل تحقق منها شئ؟

احلامى--يا الله
سؤال صعب جدا
اقدر اقولك انى الحمد لله كنت بحلم
باولاد ازرع فيهم الحب والصدق والاخلاص
واجد ذلك فى قلوبهم تجاهى
وان اقوم بعمل نافع وان يرضى ربى عن كل تصرفاتى

س10كلمة تحبى ان تهمسى بها
فى اذن استاذ محمد ورد
وتتمنى ان يحققها لك
من خلال
ورد للفنون ؟

استاذى الغالى لى سؤال واعذرنى فيه
وجدت فى منتديات اخرى قسم للاعلان
يعلن الاعضاء فيه عن منتجاتهم الفنية واشغالهم اليدوية
مقابل اجر رمزى فلماذا لا يحدث هذا فى منتدانا
ونستثمر هذا الاجر لصالح المنتدى؟
اشكرك لمجهوداتك الكبيرة
للرقى بمنتدانا
ارجو ان تستمتعى بالاجابه
مع هذه التورته
اشكرك حبيبتى من كل قلبى
ربنا يكرمك ويسعدك انا بموت فى الشيكولاته
هند الغالية لك كل الحب والود

__________________

signature

منى سامى غير متواجد حالياً