عرض مشاركة واحدة
08-27-2011, 11:38 AM   #141
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,426

الله على اجمل صحبة ورد ندية
معطرة ومالية الدنيا عليا
حبيبتى الامورة ران
اسعدنى جدا قبولك الدعوة وردودك الرائعة المميزة
انت انسانة جميلة وقلبك رقيق
وسعيدة بمعرفتك جدا جدا
نورتى خيمة ورد حبيبتى باجمل طلة

حبيبتى هالة نورتى خيمة ورد باروع كلمات
من القلب تتقال لكل الاحباب

نااانو الغالية دايما يسعدنى وجودك
فى حياتى وفى خيمة ورد
كل الشكر ياقمر
اخى السلاوى
اسعدك الله وريح بالك كما
تسعدنا بزياراتك الدائمة
لخيمة الحب والاخوة
اشكرك على كلماتك الرائعة المميزة
ننتظرك دئما

dr-obgy
اسعدنى مرورك الجميل
وكلماتك الرائعة
كل الشكر ليك حبيبتى
و انا كمان يسعدنى وجودك فى حياتى



اما اخى ابو الهدى
لا اجد من الكلمات ما اوصف به
مدى تقديرة واعتزازى بك
انسان رائع ماشاء الله عليك
ربنا يبارك لك فى زوجتك واولادك
وتسعد بصلاة واحنا معاك
فى المسجد الاقصى قريبا



هنبد ليلة جديدة
من ليالى خيمة ورد الرمضانية
نبداها بكل الحب والود والسلام
وتحية من القلب على كل الانام
معطرة بريحة الفل وأحلى كلام

تعالو نشوف قصيدة جميلة
للشاعر جمال بخيت
بعنوان الواد كبر
وانتم عرفين اتقالت فى مين؟

الواد كبر
ابنى العظيم ابنى الجميل
ابنى اللى قادر ينتصر على المستحيل
الدنيا قاعدة ف مجلسه
وله مهابه يحسها كل البشر
اللى ف حضوره اتعطروا
واللى ف هواه اتنفسوا
كل الكبار.. ولاّ الصغار
لو قربوله..
بيهمسوا
كلماته شعر
مفتى.. وعالم عبقرى
كوم التراب يصبح دهب
لو لمسة واحدة يلمسه
الواد كبر
تجيبوله جيش.. هايطوره
تجيبوله عصر من الجهاله
ينوره
تجيبوله سد..
بطرف إيده.. يهندسه
الواد فهم
من غير ماحد يعلمه معنى العلام
من قعدته ف مجلسى
درس الحروب قبل السلام
هضم المذاهب كلها
سَرّبت له بين السطور
علم النفور والانسجام
علمته ينظر للبشر
وف عينه مليون اتهام
يرمى بذور الخوف ف دقة قلبهم
ومن الوشوش
يحصد نسيم الابتسام
الواد كبر..
وكبر معاه وطنه الأشم
الواد كبر ولازم له هم
ولازم له قصر
ولازم له عرش وصولجان
وحدود وحاشية ومهرجان
ممكن كمان
سيرك وجنينة حيوانات
سجن ومعارضة.. وتضحيات
وحزب من أهل الكلام
يدبجوله ف الخطب
ويحفّظوه بعض النصوص
وهيلمان وزرا ولصوص
شوية منهم يسرقوا
وشوية ياخدوا حقهم
لما يوزع ف الوطن ويفرقه
قلب الوطن.. لجل التخين
راس الوطن.. لجل الكهين
داعر لطيف
أكبر حرامى ومدعى إنه الشريف
عين الوطن..
معروفة طبعا لجل مين..
للمخبرين..
الواد كبر.. ولازم له شعب يهرسه
وقانون عظيم
بإشارة واحدة ينشره
وإشارة تانية.. يحبسه
ولازم له منهج حكم
- لكن معتبر –
ع الخوف ضرورى يأسسه
ولازم له كلب من الصحافة
يمدحه ..
وف وقت عوزة ..
يقدسه..
وينزهه عن الغلط.. أو العبط
وف عز أصعب وقت ف ليل الوطن
يقعد معاه..
يونسه
ويجيب له شمس.. تشمسه
الواد كبر
وصبح علامة للنبوغ..
الواد خلاص قرب يطول
سن البلوغ..
ولازم له كرسى ينجسه
ولازم له مجلس للموافقة والسكوت
وإن يوم نسى وطلع له صوت
يتربسه..
ولازم له كهان للثقافة
عند اللزوم
يت....وا ..
ولازم له خُدام.. للنظام
على الجميع يتجسسوا
ولازم له حبة بلطجية من التقال
أولاد حلال
جوه المظاهرة ينكسوا علم البلاد
ويهتفوا بحب الفساد
ويلزقوا ف مُزز المعارضة
يقفّشوا.. ويحسسوا
الواد كبر
وأظنه زيى
ما لوهش قلب
والحكم حلو وابن كلب
كفاية شكل الحاشية
لما بيسجدوا
من غير سجود
ساعة ما يعتبروا الرضا منى
صعود
أو لما ياكلوا ف بعض
علشان يفوزوا ببسمتى
وسط الحشود
يتنططولى ويرقصوا زى القرود
الواد كبر
ولازم له حلم يمتعه
ولازم له حصة تشبعه
ولازم له حاشية يبرطعوا
يترّبعوا
يتطمعوا
يدّلعوا
وإذا واد معارض
حب يعمل فيها مسمار
يخلعه
يقلع عينيه.. ويأدبه
وف أى صحرا
يقلّعه
الواد كبر
واياك يا شعب تزهقوه
أو تقرفوه
وتطلعوله من النكت
زى اللى طلعت عن أبوه
اسمع يا واد
الشعب ده..
وضع أساس النمرده
وإياك ف مرّة تدلعه
إكبس عليه..
يا تركعه.. يا تطمعه
اسمع يا واد
أول دروس حب الوطن
سيب اللى نادوا بإسم غيرك
يولعوا
وسيب مصارين بطنهم
- من حقدهم -
يتقطعوا
اسجد لآلهة الحياة
وافتح لهم باب البلاد
هاتفوز بأسباب النجاة
وتفوز بأرواح العباد
اسمع يا واد
أول دروس حب الوطن
ما ترتبطش بالوطن
ولا ف سر..
ولا ف علن..
وحب نفسك أولاً..
سيبه يجوع
يعطش.. يغيب..
أو يتفلق
انت الحقيقة الثابتة
من قبل هو ما يتخلق
اسمع يا واد
إياك تصدق
إن فيه حاجة اسمها
حب الوطن
العرش أكبر م اليقين
العرش .. دين
العرش هو اللى جعلّك مخلصين
بيوحدوك
العرش للحاكم وطن
والناس عشانه يقدسوك
أو يشنقوك
اسمع يا واد
أنا هنا لآخر نفس
من غير شكوك
ها تقولى : ليه؟!
العرش جنة خُلد للجالس عليه
جنة خصوصى للأباطرة والملوك
ولو جلست انت عليه
كل الرعايا..
ها يتركونى ويتبعوك
وانت
- بدون إحساس بذنب -
من نشوتك
ها تبيع أبوك
__________________

signature

منى سامى غير متواجد حالياً