عرض مشاركة واحدة
08-20-2011, 07:18 PM   #4
السيلاوي
شريك فنان
stars-2-6
 
تاريخ التسجيل: May 2011
الدولة: بلاد العرب أوطاني
المشاركات: 2,032

اختي هاله
كل الشكر لك للسرد التاريخي المصور
لحلية الأمس وزينة اليوم
الخلخال
واهديك هذه الابيات وجدتها في ارشيفي
ولا أعرف من قائلها أو بالأحرى قائلتها
كل يوم م الصبح بدري

ألف ملايتي على عمري

أداري دمعتي وحزني

وارسم بكحل العين

ضحكتي وفرحي

ولا أبين من لفتي غير خلخال

رنته نبض قلب الولهانين

وأنا نبض قلبي فيا سجين

ومن جمال العين أبين الرمش

فيلومني طبيب العاشقين

حني يا سمرا

ياللي ف الفضا سارحة

ده اللى يشوف سواد النني

بغيرك ما يحلمش

فأقوله وايه ذنبي

ده أنا اللى العشق بكاني

وخلاني في الهوا جارحة

وقسانى

على القلوب الدايبة م الفرحه

وأمشى فى خطوتي رقة ودلع

ومن ورايا ألف عاشق يتوجع

يقول الأه

أرد برنة الخلخال

مش أنت اللى عليك العين

ولا اللى القلب ليه مال

وليلاتي ينادي الحنين

ع الفارس اللى عدي مرة من سنين

ومن غير كلام كان الحديث واصل

وفى وجوده لاقيت الدفا حاصل

وفى عيونه

كانت حروف اسمي بترقصلى

وفى كف ايده كتب قصتي واصلي

وغاب القمر

لاقتنى وحدي معايا وعد

انه يعود بعد الغياب والسفر

ومن يوميها وقلبي دايب م السهر

لا قدر ينسى ولا ف يوم بقى حجر

ومن شوقي اللى ما ينتهى

بقيت كل يوم ألف ملايتى واجري

أدور بين عيون الناس

عن العاشق

اللى علمني الحب من صغرى

عن الغايب

اللى قلبه قوى على هجري

يا ترى فاكر ولا نسي يا ناس وعدي
مع خالص احترامي وتقديري لك
ولمواضيعك الشيقه
__________________

signature

السيلاوي غير متواجد حالياً