عرض مشاركة واحدة
08-17-2011, 11:29 AM   #77
منى سامى
مراقب عام
Crown5
 
تاريخ التسجيل: Oct 2007
الدولة: عيد ميلادك احلى عيد
المشاركات: 15,421

اسعد دائما بمرور كل الغاليين
بخيمة ورد للفنون
وكلماتهم الجميلة ومشاعرهم الرائعة

مراقب عام ورد للفنون
الغالية هالة
اشكرك من قلبى ياقمر

استاذ ابو نيرة
اشكرك وارحب بك فى خيمتى الرمضانية
وارحب بك قريبا ضيف عزيز علينا
بارك الله فيك

حبيبتى تقى تسلمى لى ياغالية
على المرور الجميل


لظروف اكيد خارجة عن ارادتها
لم تتمكن الريشة الطموحة من الحضور
سوف اترك لها الاسئلة لتجيب عليها
عندما تتمكن من الدخول لمنتدانا


هنبدأ ليلة جديدة باذن الله سعيدة
من ليالى خيمة ورد للفنون

نبدأ ها بكل الحب والود والصفاء
والصلاة والسلام على خير الانام
ونقول احلى كلام اتقال فى نبى الاسلام




فى حضرة المحبوب

ينطق باسمه الحجر ومافيش نبى زايه
الشمس وياة القمر اتخلقو من ضيه
يا أمنة لما تولد جبريل نزل سماه
الله واحد صلى عليه فى سماه

فى حضرة المحبوب احمد رسول الله
الروح فى نوره تدوب وعليك سلام الله
ربى الحرام والبيت انا تبت مش ندمان
عشمان فى أهل البيت فى المصطفى لعدنان
فى الحلم لما بكيت طبطب على كتفى
بتوضه لما صحيت بدموع فى كفى
عشمى بنضرة رضا والنورعلى يبان
نور النبى الى اهتداء برحمه من الحنان
باب الشفاعة تفتحه وباذن من الرحمان
وانا حالى لما نصلح كان الرسول فرحان
فى حضرة المحبوب
احمد رسول الله الروح
فى نور بدوب وعليك
سلام الله ربى الحرم
والبيت انا تبت مش ندمان
عشمان فى أهل البيت
فى المصطفى لعدنان



وهنقول اجمل كلمات
من الشاعر الرائع
جمال بخيت
كانت نذير لقيام الثورة

مش باقي مني غير شوية ضي ف عينيا
أنا هاديهوملك وامشي
بصبري ف الملكوت

يمكن ف نورهم تلمحي خطوة تفرق معاكي
بين الحياة والموت
مش باقي مني غير شوية نبض ف عروقى
خُدي.. وعيشي.. وافتحيلي تابوت

أفرح بريحة ورد فرعوني وربنا ف عوني
إذا دخلت الجنة ولاّ النار هاشتاق
إلي ضحكتك وقعدتي ف الدار
والقهوة متحوجة من طيبة العطار

ف كل يوم الصبح باشرب حليب قبطي
وف النهار والمسا بامسك ستار الكعبة
لو سبتي واثبت إذا هربتي
أهديكي عمري وحسي وجوارحي
أهديكي جرحي

هو اللي باقي ف دنيتي لما خلص فرحي
مش باقي مني غير شوية لحم ف كتافي
بلاش يتبعتروا ف البحر بلاش
يتحرقوا ف قطر الصعيد ف العيد
بلاش لكلب الصيد

تناوليهم خدي اللي باقي من الأمل فيهم
وابني لي من عضمهم في كل حارة مقام
وزوريني مرة وحيدة لو كل ألفين عام

ألم الجراح يتلم مش باقي مني غير شوية دم
متلوثين بالهم مُرين وفيهم سم
كانوا زمان شربات والنكتة سكرهم
شربتهم الخفافيش في قلب أوكارهم

مش باقي مني غير شوية دم.. ماأقدرشي
أسقيكي.. مواجعهم
وبرضه ما أقدرشي أرميكي.. وأبيعهم
يمكن ف مرة تعوزي تطلبيني شهيد
هاحتاج يوميها الدم
يمضي علي شهادتي

مش باقي مني غير شوية قوة ف إرادتي
علي شوية شِعر من خطي
حاسبي عليهم وانتي بتخطي
وانتي ف صبح الدلال بتعطري شطي..

مش باقي مني غير شوية ضي ف عينيا
أنا مش عايزهم لو كنت يوم هالمحك وانتي بتوطي
في معركة مافيهاش ولاطيارات
ولاجيش وانتي ف طابور العيش
بتبوسي إيد الزمن ينولك لقمة من حقك المشروع

مش باقي مني.. غير شهقة ف نفس مقطوع..
بافتح لها سكة ما بين رئة.. وضلوع..
ما بين غبار.. ودموع..
وأنا تحت حجر «المقطم»
ف الدويقة باموت
أنا.. والعطش.. والجوع..
يئن تحتي التراب
وانا صوتي مش مسموع
ياحلمنا الموجوع.. من المرور ممنوع..
مستني لما يمر موكب سلاطينك..

مش باقي مني غير شوية رحمة من طينك..
علي شوية صبر من دينك
مش باقي مني غير حبة غُنا تايهين
ف الضلمة مش لاقيين حس الفواعلية..
ولا صوت مراكبي عَفي فوق المعدية..
ولا صوت بناتي العذاري في كل صبحية..
والغنوة.. أمنية

ياما نفسي أقابل حبيبي.. وانا ع الزراعية ..
صوتك وصوتهم غاب
وانا تحت حجر المقطم.. باموت لوحديّا..
الليلة راحت عيوني تطل ع البستان.. وجناين الرمان..
رجعت لي توصف عناد الغل والدخان
وسحابة سودا تضلل علي الغُنا الغلبان..
رجعت لي توصف هبوب الموت علي الألوان..
رجعت لي توصف .. خيال الذل.. ف موائد الرحمن..
مش باقي مني غير شوية كُفر بشروقك
وأنا.. منبع الايمان..
مش باقي مني.. غير شوية ضي.. وعينيا
مش قادرة تلمحني.. في وحدتي محني..
خايف أموت م الخوف والضعف يفضحني..
...
السجن عشش ف قلبي وماشي ف شوارعك..
نفس اللي باعني وخدعني بالرخيص بايعك..
هاشيل حمولي انا ولا هاشيل حملك ؟!
ماعدت أملك شيء.. فيكي.. ولا فيّا
ولا قيراط ولا بيت
ولا نسمة صافية تلاغي النيل بحرية..
مش باقي مني غير شوية حب جارحّني
ولا باقي مني غير شوية ضي ف عينيا
منى سامى غير متواجد حالياً