عرض مشاركة واحدة
08-13-2011, 09:31 PM   #66
روفان اسامة
شريك
stars-1-3
 
تاريخ التسجيل: Feb 2011
الدولة: مصر
المشاركات: 52

س1 بما انك من جيل الثورة اعلن المجلس الاعلى للقوات المسلحة
قبول ترشيحك لرئاسة الجمهورية
فما هى خطتك وما هو برنامجك الانتخابى باختصار؟



برنامجي الانتخابي هيبدا بالتعليم هيبدا باني اخلص المدرس من دفتر التحضير ال كلة همة والكراسة والقلم وفي الاخر يطلع نتيجة الكوكتيل الفاسد دا انسان ولا لية في البتنجان
تانى شئ الاهتمام بالتطور الاقتصادى بس مش على حد السياحة فقط وتطور يصل للطبقة المتوسطة والطبقة ال تحت الصفر مش بتتغير ودا سبب ال احنا فية دلوقتى وغيرة من الكلام المحفوظ بس حقيقي سؤال جميل مش في محلة



س2 ما معنى اسم روفان وهل هو اسمك الحقيقى
ومن اختار لك هذا الاسم الجميل؟



اسم زهرة تركية وهو اسمى الحقيقي مامتى اختارتة



س3لو اتاحت لك الفرص للهجرة الى امريكا
فما موقفك ؟ ولماذا؟



اكبر سعادة بحياتى لان هكون في مكان يقدر يعنى اية طموح ويعنى اية موهبة وفن مش في بلد بيدو فيها حصص الرسم درسات وعلوم



س4من وجهه نظرك كشابة وطالبة علم
ماذا ينقص التعليم فى مصر وما خطتك للنهوض به؟



ينقص التعليم في مصر الحوار ان اتكلم مع الطالب واعرف فكرة ونبطل حفظ في مناهج متخلفة لما بنلاقي طالب خارج من الفصل بيجرى وراة بعصاية ومفكرش يسالة انت لية خرجت خطتى ان يدونا فرصة نفكر ونشغل عقولنا ونطلع موهبنا يقولننا عنوان الموضوع ال هما عايزينة واحنا نبحث وندور ونجيب حلول مش نحفظ مناهج من30سنة زى البغبغانات




س5 اغنية تحبى الاستماع لها وتهديها لمين؟


اغنية only hope لجميع الرومانسين ال في المنتدى



س6من هو مثل روفان الاعلى وما طموحاتك المستقبلية؟


ايمان المالكي وحلمي ان اوصل لمصر ان الرسم والفن مش شئ على الهامش نقدر نستغنى عنة وانة مش اقل اهمية من بقية العلوم بالعكس دى رسالة لو اتحقق مفهومها ممكن تغير كتير اوى في طريقة تفكيرنا هيطلع من مصر مبتكرين ومفكرين ناس تقدر تغير



س7لو قدمتى دعوة لاهل ورد للحضور لمدينتك الجميلة
فما هو شكل الرحلة بالتفصيل واين تصطحبينا؟



الرحلة هتكون بمكان خيالى مش موجود هتكون بمكان طبيعة ساحرة وفي جميع ادوات الفن لو الوان ادوات اشغال فنية كل ماتحتاجة للفن واترك جميع اعضاء المنتدى الفنين يطلعو ابداعهم وضغوط حياتهم والمسؤليات وكل حاجة بتخنق حسك الفني وتبعد عنة وتجبرك تعيش داخل فقعة بتخنق كل لحظة تعدى عليك ومتخرجش منها غير ساعة الوفاة الساعة ال متقدرش تعمل فيها حاجة



س8الفنون جنون او الجنون فنون فما رايك ومن الفنان المميز لديك
وما العمل الفنى الذى يؤثر بك؟



الفنون قمة الجنون والرقة بالاحساس والخروج من واقع اتفرض عليك والدخول بحياة تختارها ليك الفنان ال معجبة بية ايمان المالكي والفن ال بياثر فيا فعلا البورترية بحس ان قمة الاحساس ان الانسان يقدر يخرج مشاعرة وكل شئ حاسس بية بملامح شخص مش مهم هو مين ولا حتى فية خلطات ولالا بس يكفي احساس الخطوط يكفي ان في خطوط تقدر تجسد احساسك بصورة ملامح



س9
نتعامل جميعا مع ا / محمد ورد من خلال ورد للفنون
وفتنتلى العصفوره انك تعاملتى
معه بشكل مباشر
ياترى ايه انطباعاتك عنه سوف
اعطيكى اختيارات

1 يتعامل بشكل دكتاتورى متسلط
2 يتعامل بشكل ودى
3 يناقش ويتفهم بشكل ايجابي
4-عنيد وغير متفاهم اطلاقا


يناقش ويتفاهم بشكل ايجابي جدا
وحقيقي استاذ محمد ورد انسان رائع




س10 تنازل لك مدير منتديات ورد للفنون
عن ادارة المنتديات بالكامل
فما خطتك لتطوير المنتدى بكل حرية؟



خطتى هنزل كتب رسم مترجمة هعمل اتصال مباشر مع فنانين بحيث يقدم درس تعليمي كامل سواء رسم واشغال فنية ويكونوا الفنانين دول متواجدين بالمنتدى والكلام معهم مباشر لاى موهوب عايز يسال بشئ وبعدين ساعتها يبقى ربنا يحلها اصلها مش معقول تحصل



اتمنى لك قضاء وقت ممتع مع اجاباتك للاسئلة
مع كوب عصير من مطبخ ورد
واجمل ورود



مرسي على العصير
روفان اسامة غير متواجد حالياً