عرض مشاركة واحدة
08-03-2011, 11:35 PM   #1
هند
مراقب عام
Crown5
 
تاريخ التسجيل: Sep 2007
الدولة: مصر - المنوفية
المشاركات: 10,714
محاكمه مبارك وبدايه عصر جديد

basmala

[]السلام عليكم ورحمه الله وبركاته[/]

[]
اليوم 3 اغسطس 2011
يوم لا يمكن ان يمر بدون تعليق
فاذا كنا نحتفل كل عام بنصر اكتوبر
فى العاشر من رمضان
فأعتقد ان اليوم عبور جديد ونصر آخر
وسبحان الله برضه فى رمضان
طبعا بتكلم عن محاكمة مبارك
انا مش هتكلم فى السياسه
انا حبيت اشاركم احساسى باللى حصل النهارده
التففت و زملائى فى العمل بلهفه حول الراديو منذ الصباح
لمتابعه المحاكمه
وماكنش حد مصدق ان مبارك واولاده
هيحضروا فعلا وهيتحاكموا فعلا
وسمعنا المحاكمه ثم انصرفنا الى اعمالنا
فى تفاؤل بأن إن شاء الله اللى جاى خير
ولكن منذ دقائق اذاعوا لقطات من المحاكمه
وعندما شاهدتها وجدت الدموع تنهمر من عينى
ما هذا الصلف والتكبر البادى على وجوه الظالمين
الناس دى مش حاسه ان فيه ربنا و لا ايه
مبارك ده المفروض يعترف ويعتذر ويطلب بنفسه
العقاب عشان يخفف عن نفسه عقاب ربنا الشديد
ده سيدنا عمر قال: لو تعثرت دابة في العراق
لخشيت ان يُسأل عنها عمر لمَ لم يمهد لها الطريق
أمال الراجل اللى تولى 30 سنه
وخلالها مفيش بيت فيكى يا مصر
اصبح خالى من مريض كبد او فشل كلوى او سرطان
ده غير البطاله والغلاء والمهانه
وقتل الثوار وغير الثوار
ده غير ملفات السرقه والفساد الرهبيه اللى اتفتحت بعد الثورة
الناس دى هتقابل ربنا ازاي
مستنيين ايه بعد كل الذل ده
سبحانك يا رب تهب الملك لمن تشاء
وتنزع الملك ممن تشاء وتعز من تشاء وتذل من تشاء
بيدك الخير انك على كل شئ قدير
يا رب يكون النهاردة بدايه الخير
وبدايه عصر جديد
با رب الامور تهدأ
ويرجع لمصر الامن والامان
يا رب ولى علينا من يصلح
يا رب ساعد اخواتنا فى جميع الدول العربيه واصلح لهم الاحوال
لا تنسوا الدعاء لمصر فى رمضان
تقبل الله منا ومنكم

دمتم بكل خير[/]
هند غير متواجد حالياً