عرض مشاركة واحدة
07-18-2011, 06:05 PM   #1
علا الاسلام
مراقب عام
Crown5
 
تاريخ التسجيل: Aug 2010
الدولة: عيد ميلادك احلى عيد
المشاركات: 4,556
الناجح يرفع إيده قصة كفاح

basmala

أنا كتبت الموضوع ده مشاركة لكل الناجحين
من أخواتنا و أولادنا و بناتنا و أصدقائنا و جيرانا

فرحتهم بالنجاح

فقد ظهرت نتائج الامتحانات فى بعض الكليات

كما ظهرت نتيجة الثانوية العامة

و لكل الناجحين بنقول :

ألف ألف مبروك


3

و هذا الموضوع جعلنى أرجع بالذاكرة


أمتى آخر مرة أنا سمعت الأغنية دى ؟



وحياة قلبي وافراحه

وهناه في مساه وصباحه
ما لقيت فرحان في الدنيا

زي الفرحان بنجاحه




طب فاكر أول مرة؟



شهادة الابتدائية.. و انت لسة صغير..


و الأهل فرحانين


و تورتة وجاتوه .. و هدية حلوة... و بوس كتير...

و الناس بترقص و تصقف...


و انت العمدة بتاعت الليلة دي.. و مبسوط







الاعدادية.........نفس السيناريو

وبتبتدي ترسم طريقك
وتحدد خطواتك

و طموحاتك بتطير بيك

4

كان حلم جميل في خيالنا
ولا غابش في يوم عن بالنا
و بني لنا قصور
وفرشها زهور
في حياتنا و مستقبلنا

5

الثانويةالعامة..........ااااااااه من الثانوية العامة.........


الدنيا كلها متعاطفة معاك........


و كل طلباتك مجابة...


عشان الباشا يبقي مستريح ويفرحنا.........


هنا بقي الأغنية دي ليها طعم تاني جميييييييييييل...


و انت بتشوف دمعة ماما..


و تسمع دعاء من القلب

6

ولقتني في عز هنايا

والدنيا فرح ويايا

بتهني حبايبي معايا

وتقول للكل ارتاحوا

7

جواب التنسيق

(كان أول جواب استلموا في حياتي و الأخير)

وأهلا بك في عالم الجامعات



أنت دلوقتي عديت كل مراحل التعليم التقليدية


المفروضة عليك


و اخترت المجال اللي عايز تدرسه-




عارفة إن فيه ناس حتقولي إن مش الكل بيختار كليته و التنسيق و المجاميع,


لكن إرادة الواحد إنه يحول مصيره و ينجح في المجال الجديد


بدل من اليأس إنه اترمي في كليته ماكنتش ع البال و لا ع الخاطر...


ليها طعم نجاح خاص..


محدش عارف الخير فين..


المهم إن إحنا نتقي الله و نشتغل بجد..


مش نستسلم لتنسيق ولا مجموع




ده مافيش فرحان في الدنيا


زي الفرحان بنجاحه


8



الكلية..كنت بتحلم بيها.......اثبت نفسك بقي



حقق حلمك

وافتح الباب


و شوف الخَضارو الزرع والورد

مزروعة مع الأحلام و الطموح والنجاح
ح تقولي معوقات و صعوبات و روتين
ملازم و دروس ودكاترة
حقولك لو عايز تنجح و عارف طريقك
وعارف انت نفسك في ايه بجد
ازاي تخدم نفسك و بلدك و دينك
يبقي انت علي طريق النجاح


الناجح يرفع ايده

نهني في عيدنا و عيده


9

بتسمع عبد الحليم


و تسمع دعاء الست الوالدة

و تبكي فرحاً لما تبوس إيد والدك


و تحس إن قرف المذاكرة و الملازم

و التصوير
و المدرجات الزحمة
والجدول
والامتحانات
و ترقب النتيجة
و تيجي تستريح في الآخر
لما تسمع النتيجة
وتلاقي دمعة فرح
بتتدحرج علي خدك
تداعبك


10

وتدعي للتخرج


و حتتخرج إن شاء الله

وحتكمل نجاح ورا نجاح
حتدوق طعم الفشل؟
أكيد
عشان تقدّر النجاح
وتصر عليه



ونقول و نقول

دايما


ناجحين علي طول


دايما


وحتفتكر الذكريات دي مع ولادك


مع طعم خاص للنجاح


ونجاحنا يطول


دايما


دايما علي طول

11

بس الأهم........هو النجاح تقدير و مجموع و بس؟



ولا
فهم..و ارادة... و نقطة انطلاق لمستقبل مهني


اخدم بيه نفسي وولادي و


مجتمعي و بلدي؟


و اكون انا خطوة علي مسيرة التقدم


تكوني





المدرسة الجادة المثال لتلاميذك


تكون المهندس اللي يبني و


يعمر


تكون الفني اللي دوره مهم


تكوني الطبيبة المتحضرة





الملتزمة


تكون الكاتب اللي يسطر الحقيقة


تكون العامل اللي يخدم بلده



تكون أب يربي أولاده علي الصدق



و تكوني ام تربي و تعلم و تسقيهم حب




ده ما فيش فرحان في الدنيا

زي الفرحان بنجاحه

12

بما أن القلوب تنتظرُ بلهفة وشوقٍ


زف بشرى نجاح فلذات الأكباد


وإنهاءِ عامهم الدراسي الحالي


فيسرُنا أن نشارك الآباء والأمهات فرحتهم بنجاح أبنائهم


ونهدي لهم عدد من بطاقات التهنئــة بمناسبة النجاح



13

تذكرت أغنية المطرب عبد اللطيف التلبانى

أغنية جميلة جدا للنجاح و الناجحين

و أنا باحبها قوى

إفرحوايا حبايب لفرحنا
النمر أهي بانت ونجحنا
عقباله يا رب نقولها له
كل إللي حيقعد مطرحنا
إفرحوا يا حبايب يا حبايب
***
ياما كنت بقضي الليل صاحي
بين قلمي وكتبي وأوراقي
ولا قلت يا عين ليلة إرتاحي
ولا بكره ح ذاكر في الباقي
وشهور وأنا بحلم بنجاحي
وأتمنى الفرحة لزملائي

***
ده العلم فى ايدنا سلاح
ومفيش النوبة سماح
عقبالوا يارب نقلهاله
كل الى حيقعد مطرحنا
افرحوا يا حبايب يا حبايب

***

ح نولع مية شمعة وشمعة
ونغني في عيد مستقبلنا
واتعب علشان ترتاح
دي حلاوة الدني اكفاح
افرحوا يا حبايب.. يا حبايب ..

*******

14
15
16
17
18

يتبع
__________________

signature

علا الاسلام غير متواجد حالياً