عرض مشاركة واحدة
06-15-2011, 10:52 AM   #6
ملاك البستان
عضو في انتظار التفعيل البريدي
 
تاريخ التسجيل: Feb 2010
الدولة: الايميل المسجل غير مستخدم
المشاركات: 5,657

حبيبة قلبى و توام روحى عبير يااجمل تعبير
هههه حلوة صح
فيه بعض الرجال يصحو لهم ان يتزوجوا
وعندهم عذرهم وبيكون مقبول وفيه منهم
تابعين نزواتهم ودا غير مقبول
لكنى اعرف شخصيا رجل تزوج من ابنة عم والدى
وكان ساعتها متزوج من اثنين وكذب عليها وتفاجات
به متزوج من امراتين وجابها تعيش معهن فى نفس
البيت وبعد مدة جاب لها شقة لوحدها لانو كان مقاول
بعدما شاف بنت امورة وعجبتو ماقدرش يصبر نفسو
على انو متزوج من اثنين وراح خطبها واتزوجها من غير مايقول لها الحقيقة
لانو خاف انها ماتوافقش المهم انهم لازالو كما كانو ولم يتغير فيهم اى شىء
ولو شفتيها مع ضرايرها تقولى ان 3 اخوات رغم انها هى بيضة وهما سمروات
من الصحراء وكلهم عندهم اولاد ومتربيين احسن تربية لاحد بيكره حد من الاولاد
ولا ضرة بتكره ضرتها وحماتهم كمان بيعاملوها كلهم كانها والدتهم وكنت لما بروح
ازورها انا وماما لما كنت صغيرة فى بيت العيلة الكبير عند ضرايرها بيجوا كلهم
يسلمو علينا ويرحبو بنا ويقعدو يضحكو معانا واولادهم كمان تقولى انها فعلا اسرة وحدة
متماسكة وقوية وماحدش يقدر يزعزعها اولادهم كبروا واتزوجوا وخلفو وهما ماشاء الله زى ماهما
الزمن ماقدرش غيرهم او يغير طبعهم او يقلل من حبهم واحترامهم لزوجهم او لمراتو الجديدة
وهى عاملتهم بنفس المحبة والاسلوب ودا لى خلاهم يعيشوا 3 فى ظل رجل واحد
بالعدل والمسواة واتمنى ان كل راجل يعمل مثلو وكل ست تعمل مثلها
وفيه كمان صديق زوجى الله يرحمو كان متزوج ومراتو ماخلفتش وهما فاكرين ان العيب
منها من غير فحص ولا حاجة وطلبو منها ان زوجها يتزوج عليها عشان يخلف وهى وافقت
واختارو العروسة والعروسة دى كانت اخت شقيق زوجها وفعلا اتزوجها وعاشوا
الاثنين مع راجل واحد فى شقة وحدة والله العظيم لما رحت انا وزرتهم فى بيتهم
وشفتهم بيعاملو بعض ازاى وزوجهم بيعاملهم ازاى وهما كمان بيتعاملو ازاى
فرحت وقلت ان الدنيا لسة بخير لو شفتيهم ماتصدقيش انهم ضراير تقولى انهم
اخوات زى لى شفت مع بنت عم والدى وضرايرها بالظبط وفى الاخير برضو ماخلفتش
وفضلو زى ماهما لحد ما الزوج اتوفى رحمه الله وكان انسان طيب فعلا
الازواج رقم4 لى شفتهم منسجمين زى الاولين والثانيين هما جيرانا
ساكنين قريبين من بيت اهلى فى كازابلانكا مع ان مراتو خلفت منو اولاد وبنات
لكن برضو راح اتزوج عليها وجاب لها ضرة تعيش معها فى نفس الشقة والضرة كانت طيبة
انا بحبها وبحترمها لحد دى الوقت بتعامل اولاد ضرتها كانهم اولادها لانها مابتخلفش
وعمرهم ما حصلت بينهم اى مشكلة ولسة عايشين مع بعض زى العسل لحد دى الوقت
اما الازواج رقم 4 فهما برضو كانو جيرانا وكانت الزوجة الاولى مابتخلفش اتزوج عليها وجاب ضرتها
تعيش معها وخلفت الاولاد والبنات والزوجة العاقر ربت الاولاد وبيقولها امى بدل امهم الحقيقية
كانو عايشين سعداء من غير مشاكل الله يرحمهم 3 ماتو وسابو اولادهم لى اتزوج ولى لسة
شفت انا شاهدة على كم زواج للضراير ناجح 100/100 ياريت يكونو عبرة لكل راجل
ولكل ضرة ويارب تسعد الكل
ملاك البستان غير متواجد حالياً