عرض مشاركة واحدة
06-08-2011, 03:37 PM   #1
memo lovely
شريك جديد
stars-1-2
 
تاريخ التسجيل: Jun 2011
المشاركات: 21
الفرق بين الولاد والبنات في الميكروباص

basmala

[]سلام عليكم


ازيكم يا اعضاء المنتدي
انا جيبلكم موضوع من الواقع بيحصل باستمرار وارجو انه يعجبكم


هنشوف فرق المعامله في المواصلات بين الولاد والبنات


علي الطريق
الا الولاد: تلاقي واحد واقف علي الطريق عمال يشاور للميكروباص ومحدش معبره رغم ان الميكروباص في مكان فاضي بس السواق مش مهتم ولو وقف لازم يقف بعده ب20 او30 متر ويفضل يقله مد ويضرب الكلكس

ثانيا البنات :البنت تكون واقفه علي الطريق من غير ما تشاور وتتعب ايديها السواق يقف قدمها بالضبط ويقول (جايه يا انسه في مكان فاضي ) رغم انها ممكن متعبروش بس يفضل واقف ادمها يمكن تحن عليه وتركب وحتي لو مفيش مكان يبقي نفسه ينزل واحد من الركاب ويركبها


داخل الميكروباص
الولاد :اول ما يركب تلاقي اللي قاعد وجنبه مكان فاضي مش عايز يوسعله علشان يقعد وقبل ما حتي يقعد تلاقي السواق يقول اجره اللي طلع ايه يا عم انت مش ناوي تتفع اجره ولا ايه والا بقي لو ركب وعايز يبعت الاجره للسواق يفضل يخبط علي كتف اللي قدامه ساعه علشان يوصل الاجره للسواقوهو مش معبره وبعدين يبصله بقرف وياخد منه الاجره

البنات :تلاقي البنت اول ما تركب لو حتي في واحد مش جنبه مكان فاضي تلاقيه عمال يزق في اللي جنبه يمكن تقعد جنبه ولا حاجه ويسلام بقي اول ما تقعد تلاقي السواق عدل المرايه عليها علشان يفضل يبصلها وعمرو ما يقولها اجره هي بقي لما تفتكر تبقي تدفع برحتها لا وايه لو حبت تدفع تلاقي اللي قاعدين في الكرسي اللي قدمها عمال يقول في سره يرب تديني انا الاجره علشان اوصلها للسواق ومن غير ما تتعب نفسها وتنده تلاقي اللي قدمها كلهم بصين وراهم مستنين تمد ايدها بالاجره


النزول
الولاد :تلاقي اللي نازل لو شاب يقول للسواق مثلا الشارع الجاي ياصتي وممكن يقول تلت او اربع مرات والسواق عامل نفسه مش سامع ولازم ينزله بع الشارع ب20 او 30 متر ورغم ان الناس اللي قدامه في الميكروباص سامعين بس كل واحد يقول وانا مالي وميهنش عليهم يقولو للسواق في واحد نازل وياسلام لو اللي نازل ده اتكلم مع السواق وقالو انت مش سامعني وانا باندهلك ولا قال اي حاجه تلاقي السواق يقوله ماتعلي صوتك شويه هو انا هاعمل ايه ولا ايه وبعدين اللي عايز مكان يقول قبله بمسافه مش يجي عند المكان بالضبط ويقولي ايوه ياصتي رغم انه كان سامعه

البنات :يا سلام بقي لو بنت اللي نازله بجرد ما البنت تبصل للسواق في المرايه اللي هو كان ظبطها عليها علشان يبصلها اول ما ركبت يفهم انها عايزه تنزل فيقول حد نازل هنا تقول ايوه يزلها مكنها بالضبط وحتي لو قالت للسواق الشارع الجاي هي مره واحده اللي بتقولها والسواق تلاقي سمعه عشره علي عشره وقتها ولو فرضنا ان السواق مسمعهاش تلاقي الركاب كلهم في صوت واحد ايوه ياصتي في انسه نازله ولو السواق عدي المكان اللي هيا نزله فيه من غير ما تتكلم تلاقي السواق تلقائيا يعمل مرشدين ويرجع بالميكروباص لحد المكان اللي نازله فيه .


شفتوا بقي البنات وخدين حقهم في كل حاجه ازاي
بصراحه انا باحسدهم

ارجو يكون الموضوع عجبكم






[/]
memo lovely غير متواجد حالياً