عرض مشاركة واحدة
05-22-2011, 01:45 PM   #24
هالة
مراقب عام
Crown5
 
تاريخ التسجيل: Jun 2007
الدولة: القاهرة - الاسكندرية
المشاركات: 26,207

تاكسيات ووزارات

حد اتخرج ماشاء الله عليه وعاوز كمان يسافر بره
اكيد كثير .... المهم عارفين حتة الورقة اللي بناخدها
لما نتخرج ومكتوب عليها شهادة مؤقتة
ولابد من اعتمادها من وزارة التعليم العالي ..
والله لا عالي ولا حاجة ولولا الحياء شوية
كنت قولت فيه كلام كثير ...
المهم لو حضرتك ناوي تشتغل بره
وبره ده يعني خارج البلاد فالمطلوب من حضرتك
ان حتة الورقة اللي انت نسيتها من زمان
واسمها شهادة تخرج مؤقتة
لازم ولابد وحتما تختمها من الوزارة اياها ...
وبالمرة تكفر عن سيئاتك
لما توصل لباب الوزارة وتشوف المكتب
المعني بحالة حضرتك
الموظف الطيب هناك حيطلب منك طلب برئ
بما ان حضرتك ناوي تفلت من البلد دي
يبقى لازم تعمل حوالة بريدية
باسم الوزارة ب 2 جنيه بحالهم ...
اه والله 2 جني علشان الاسكندارنية
ههههههههههههههه ..........
وعلشان تعمل الحوالة مطلوب مكتب بريد
بوستة يعني
لف ودوَّر ياجميل على مكتب بوستة
اقرب واحد تدفع له 10 جنيه مواصلات
ولما توصل هناك وتيجي تدفع الجنيهين
تلاقي مصاريف الحوالة اربعة جنيه ونص
تصدق حوالة ب 2 جنيه تتكلف 4.5 طيب
ماكانوا اخدوها في الوزارة الزفت دي
ويوفروا عليك المواصلات
لا ليه يريحوك مش فيه موظف اتعين علشان
يطلع قرارات تشغل بتوع التاكسي وبتوع البوستة
ماشي خلاص ختمت الشهادة
ولا الاوراق المطلوبة يبقى فاضل ايه
ايوه بالضبط ...اجري ياجميل على وزارة الخارجية
علشان تصدق على اعدام الاوراق ...
اقصد على اعتماد ... اعتماد ايه ....؟
اعتماد ختم الوزارة اصلهم مش بيثقوا فيها في الخارج
ولما توصل ياباشا اقف في الطابور ولما تاخد رقم
استنى لما ينادوا عليك ولما توصل للشباك
علشان تدفع رسوم التصديق تكتشف ياعيني عليك
ان النسر نط من الختم وبدل مايختم
الختم المربع بتاع الوزراة
لأ نسى وحط في مكان ثاني
وتلاقي الدنيا ضلمت قدام عينيك وكل
المشاهد اللي مريت بها من طلعة النهار بتجري قدامك
يانهااااااااااااار مش فايت
حتروح الوزارة ثاني علشان تقول
ياجماعة النسر مش عاوزينه هنا
لا خلوه في ظهر الورقة على ختم الوزارة المربع
ترجع ورجليك بتلف حوالين بعضها ...
تلعن الوزارة واللي عمل القرارات
واللي نسى وختم الشهادة مش في المكان المطلوب
مع انه عارف
وتدعي على الموظف اللي عارف
ان الموظف الثاني غلط من غير قصده
ورغم كده مصمم وراسه والف سيف
هو كمان مايختم لك الشهادة
اقول لكم خلينا في البلد دي بلا سفر بلا دياوله
والعوض في ال 120 جنيه تاكسيات
اه والله 120 تخيلوا .........
اصل فيه حد الظاهر قال لحد
بلاش تحطوا بيضكم كله في سلة واحدة
اقصد يعني بلاش تحطوا كل الوزارات في مكان واحد
علشان يمكن حد يفكر ينسفهم مرة واحدة ويخلص ...
لا خلصوا على الناس وخلوهم يشغلوا التاكسيات
وبالمرة يتهد حيلهم فيبطلوا يناكفوا مع الموظفين
وخلوا كل وزارة في مكان بعيد عن الثانية
واهو كله مصلحة
يلا بقى كفاية كده
لما نشوف حدوتة الوزارة بكرة ان شاء الله
__________________

signature

هالة غير متواجد حالياً