عرض مشاركة واحدة
11-05-2007, 01:54 AM   #1
سعاد حمادة
شريك جيد
stars-1-4
 
تاريخ التسجيل: Oct 2007
الدولة: المملكة المغربية
المشاركات: 121
حصرياا طريقه الصالونات فى الحمام المغربي بالاعشاب والماسك المبيض

basmala

الحمام المغربي بالاعشاب والماسك المبيض
السلام عليكم ورحمة الله وبركاته

حبيت افيدكم حتى تستعدن وتتكشخن
وطبعا عقبها تدعن لي بليز

طبعاً الكل صار مبدع فالحمام المغربي التقليدي
بس صارلت له انواع فالصالونات

يعني مرات يوم نروح للصالون نسمع مسميات جديده:

صار شي اسمه:

1- الحمام المغربي التقليدي له سعر معين فالصالونات ،
وصرنا كلنا نعرفه.

2- الحمام المغربي بالاعشاب فالصالونات له سعر
اغلى من الحمام التقليدي.

3- الحمام المغربي بالاعشاب والماسك المبيض
طبعاً هذا اغلى انواع الحمامات المغربيه
فالصالونات والمنتجعات التجميليه،
ويسوونه البنات في كورسات العرايس.

طبعاً انا بحطلكم الطريقه الثالثه
وهي الطريقه الاشمل لكل الطرق،
واللي الكثير من البنات يجهلونها

نبتدي مع بعض
بسم الله الرحمن الرحيم

المقادير:

1- الصابون المغربي وليفتها متوفر في الصيدليات
والمحلات والسوبرماركت والعطارين.

2- عشبة اداد عشبه مغربيه مبيضه
بس سامه متوفره عند العطارين
ونقدر نستغنى عنها.

3- طين مغربي

4- ليمونه

5- الحنا

6- ماء ورد

7- كريم كاب

الطريقة:

اولا/ انجهز غرفة البخار او حمام الساونا
نمليه بالماء
وانحط فيه موية ورد ونعناع وعصير ليمونه
وفيكس اندونيسي اجلسي في البخار 10 دقايق

ثانياً/ نخلط صابون الحمام المغربي + حنا
+ بودرة اداد+ ليمونه
وندهن الجسم بالخلطه
لا تخافي ماراح يصبغ جلدك من الحنا
وبعدها نرجع ثانيه لحمام البخار
لحد ما يعرق الجسم

ثالثاً/ بعد مانخلص من البخار نغسل الخليط من
عالجسم بالماء الفاااترويفضل غسل الجسم
بالصابون الطاووس اللي بحليب الشوفان
ونبتدي ندعك الجسم كله بالليفه المغربيه
باستثناء الوجه ندعك وندعك بس بحنيه
وبتشوفن الجلد الميت يطيح مثل الخيوط

رابعاً/ نخلط الطين المغربي + ماء الورد
لين تصير عجينه ونفردها عالجسم
حتى تتسكر مسامات الجلد
وبعد ما ينشف نغسلها.

خامساً/ الماسك المبيض اللي كل الصالونات
ومراكز التجميل تتكلم عنه وماتقول هو عباره عن ايش،
انا بقولكن عنه هو كريم كاب سنفره ومبيض للجسم
ندهن الجسم كله وتتركينه لين ينشف وعقب تغسلينه

سادساً/ آخر شي ترشين جسمك كله بماء الورد البارد
حتى تسكر لي المسامات
وفي ناس تضيف العكر الفاسي
في ماء الورد حتى يورد الجسم

ادري حوسه وشغله لكن صدقيني
راح تفرقي على نفسك من أول مره تسوينها
جربي ما راح تخسري شي ولو تسويها كل اسبوع
يعني بالاسبوع مره راح يوحد لك
لونك ويفتح بشرتك

طبعاً هذي طريقة الحمام المغربي بالاعشاب
والماسك المبيض اللي يسوونها
فالصالونات ومراكز التجميل حبيت اوريكن اياها
بطريقتي المتواضعه اللي فالبيت
والله احسن من الصالونات
لانها اغراضك الخاصه
ومحد بيستخدمها لاقبلك ولا بعدك

يااالله ابي ردودكم المشجعة
ودعواتكم مو تقرون وتطلعون
سعاد حمادة غير متواجد حالياً