عرض مشاركة واحدة
04-26-2011, 04:51 AM   #2
modi
شريك
stars-1-3
 
تاريخ التسجيل: Apr 2011
الدولة: المنصورة
المشاركات: 73

[]انا اسف هطول عليكو بس اتمنى التعليق

مش عارف لية ماتكلمتش
لية منطقتش لية مش عارف
مش عارف لية لما قالتلى
يلا اتكلم ..قول لية خايف؟!
مقدرتش انطق ولا كلمة
باين انسان تافة هايف
تفكيرى فى هدمة البسها
ولقمة اكلها ولو عيش ناشف
كان تفكيرى فى نفسى وبس
سياسة وحكومة.. ياعم انا خايف
كان حلمى انى ادوق حرية
حرية بمفهوم مش زايف
انى الافى الراى مشورة
وادلى بصوتى وانا مش خايف
من واحد بفلوسة هينجح
ع الدايرة اهو داير طايف
ولا من واحد علشان واسطة
يتوظف وانا خالى وظايف
كل دة كان حلمى واتحقق
بالثورة والعالم شايف
...........................
بلدى عذرا اقبلى منى
مش قادر اقولك غير اسف
انا اسف على كل ما فاتنى
من رد لشرفك انا اسف
انا اسف انى مقدرتش
اتكلم وحدى وانا خايف
لكن بعد ما قالوا ياثورة
قمت وهبيت ولا خايف
حسيت ان احنا ايد واحدة
حبايب وقرايب ومعارف
ولقيت خوفنا عليكى ووحدة
وحبنا ليكى مالهوش واصف
................
وعد منى يا بلدى انا هبقى
للظالم والفاسد كاشف
هتصدى لكل الى يحاول
يلعب بيكى .. هكونلة واقف
انا املك وحمايتك ديما
فى ظروفك ونوايبك واقف
وبقلمى هكون الاسبق
فى جمالك ودلالك واصف
.......................
بلدى عذرا اقبلى منى
مش قادر اقولك غير اسف

[/]
تأليفى
محمد وجيه صادق
modi man bgd msh zy 2y 7d
modi غير متواجد حالياً