عرض مشاركة واحدة
03-21-2011, 07:19 PM   #38
زهرة الكاميليا
شريك استاذ
stars-2-7
 
تاريخ التسجيل: Jun 2007
الدولة: مصر - اسكندريه
المشاركات: 2,663

[]قد لاتسعف الكلمات للتعبير
ولكنى لاول مره في حياتي سأذهب لادلى بصوتى
كتحيه خاصه لارواح اولادى واخواني شهداء مصر
محمد ورد[/]

[]بسم الله الرحمن الرحيم
"وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ
فَرِحِينَ بِمَا آَتَاهُمُ اللَّهُ مِنْ فَضْلِهِ
وَيَسْتَبْشِرُونَ بِالَّذِينَ لَمْ يَلْحَقُوا بِهِمْ مِنْ خَلْفِهِمْ أَلَّا خَوْفٌ عَلَيْهِمْ وَلَا هُمْ يَحْزَنُونَ"
صدق الله العظيم[/]


[]خرجوا ..لعل آمالهم تتحقق
فتحوا صدورهم للحلم
فأصابتهم فى صميم القلب ..وبلا رحمة
رصاصات الغدر
أنبل من أنجبتهم مصر ..
شهداء ثورة مصر
ويقدر عددهم بأكثر من 300 شهيد
بخلاف حوالى 5000 جريح [/]

[][/]

[]أقام شباب المتظاهرين بميدان التحرير
نصباً تذكارياً لتكريم شهداء الثورة
ممن لقوا حتفهم في الأيام الأولى منها
كما علقوا
مجموعة من ملابسهم الملطخة بالدماءومتعلقاتهم
لإدانة نظام فقد الآدمية وقتل شعبه .
معلنين تضامنهم مع أسر هؤلاء الشهداء
ومؤكدين أنهم لن يرحلوا من الميدان
حتى تتحقق المطالب التي استشهدوا من أجلها.[/]

[]ويقع هذا النصب على بعد أمتار قليلة
من النصب التذكاري للشهيد عبدالمنعم رياض
الذي يعد رمزاً لشهداء القوات المسلحة المصرية
وهذا ما لم يغب عن ذهن الشباب
الذين أقاموا نصب الشهداء
دلالة على متانة علاقة الشعب بالجيش.[/]

[][/]

[]وقد تمت إقامة هذا النصب بشكل بدائي
لكن الدماء الطاهرة التى غيرت تاريخ مصر
كانت دافعا قويا لإستمرار الثورة
و حتى النصر ![/]

[]نعم أستاذى الغالى
إنهم يقتلون شعوبهم بدم بارد
وتصل بهم السلطة الطلقة إلى مفسدة
ويالها من مفسدة !
كانت مصر تملأ الدنيا بقدرها وعظمتها
فصارت عزبة صغيرة
يغترف من ثرواتها لصوص النظام[/]

[]لم تكن ثورة يناير
ثورةجياع ولا إنتفاضة حرامية
ولم يحركها مال ولا رشى
على العكس تماما
تصدى لأعظم الثورات فى تاريخ مصر
شبان ليسوا فى فقر ولا إحتياج
لكن ماكان ينقصهم وينقصنا ..الكرامة والكبرياء ! [/]

[]فى عيد الأم ..نهنئ الأمهات
وننحنى إجلالا لأمهات الشهداء
ونترحم على شهداء مصرالأبرار .[/]

[]ومع الشاعرة إيمان بكرى
وتفاعلها مع الأحرار ..الشهداء
أثناء الثورة ورفض الثوار
أية حوارات مالم يرحل النظام ![/]

[]قصيدة ..
مفيش حوار[/]

[]اول نزيف الأمل حباّت ياقوت نوّار
احمد وسالي وسيف نبض وعروق احرار
فجر وضمير اندبح طرح الوجع ثوار
قالوا حقوق الناس ترجع لاصحابها
متقولو يا اهل البلد مين اللي خاربها
اللي ما داق اللضا ولا اللي ناهبها
اللي يجيب حقها ولا اللي يسلبها
عشاق تراب الوطن ولا اللي قلّبها
ولاهما هيسلموا ولا هو هيسبها
ولا هما ملاك لها ولا هو صاحبها[/]

[]احنا ولاد البلد والارض دي أرضنا
هما الي باعو البلد وشربوا من دمنا
قالوا الشموس تنطفي يمكن يعيش هوا
قفلوا بيبان الوطن وعششو جوا
فرعون يقول اضربو والضرب في المليان
زغرد نيشانه وفلح واتفجر البركان[/]

[]صوت العيال اندبح من قبل ما يسمّوا
لا لحقو يتشهدو كانوا لسه هيغنوا
ويقولو بسم العلم اتمرمغو في دمه[/]

[]يا دباحين الوطن قتلتو ليه حلمنا
وبإيه يفيد العوض وشبابنا ضاع مننا
لا تقول بقى مغفرة ولا عفو عند المقدرة
اصل الخراب منهم وهما اربابه
حزب الدمار حزبهم والكل نوابه
يوم ما البغال برطعت وظهرلنا نابه
فين العدالة بقى يالي انتو بتساوموا
ولا الضمير اتخرس والحق ضاع دمه
يتحكموا اه كلهم، والافعى اولهم
راس الفساد تنقطع حتموت شياطنهم
لكن نسيبهم كده هنشوف غيلان غيرهم
فمفيش مصالحة بين حياة وبين انتظار
ومفيش مصالحة بين هزيمة وانتصار
ومفيش ورا ضهرك حرس ولا فيش جرس ولا فيش جدار
ومفيش عبيد هيقدمولك الاعتذار
فمفيش خلاص ومفيش قصدنا الا القصاص
نبض الشوارع حسها بيقول خلاص
نور الامل والحلم مش هتوقفو طلقات رصاص
فميش قصادك الاختيار
ومفيش خيارو لسه دايرة المعركة
فاهمين امور الفبركة
فمفيش حوار
مفيش حوار
مفيش حوار[/]

[][/]

[]ولاهما هيسلموا ولا هو هيسبها
الحمد لله ..هو سابها وإتحرر وطننا ![/]

[]تشرفت أستاذى الغالى
محمد ورد
بمرورك وقوة تعبيرك المؤثر
عن تفاصيل ودقائق
مشاعر كل مصرى
كسر أخيرا حواجز .وحواجز ..
وإنطلق فى عرس الديموقراطية
لأول مرة ..يدلى بصوته
ونصب عيونه الأمل
ومستقبل بلا تزويرولا إملاءات .[/]

[]عاشت مصر
رحم الله الشهداء .[/]





زهرة الكاميليا غير متواجد حالياً