عرض مشاركة واحدة
02-21-2011, 12:39 AM   #6
عادل الحريرى
شريك فضي
stars-1-6
 
تاريخ التسجيل: Jan 2011
الدولة: مصرى بكل فخر
المشاركات: 287

ليه يا ريس نسيت ان انت واحد مننا
اطفال صغار وشباب كتار وطلبات كتيره محتاجنهم مننا
واحنا غلابه محتارين ومحتاجين ونعمل ايه في رزقنا
وفضلنا نصرخ ونقول كتير لكن ضمير الحكم غايب عننا
وكبروا الولاد وشالوا الهم برضوا زينا
لكن زمانهم كان غير زمانا وقالوا بالعلم حنحقق حلمنا
لازم نغير علشان ما نلحق قبل ما يضيع عمرنا
وكانت الثوره العظيمه ثوره بيضا نضيفه بأيد ولادنا واهلنا
كانت حقيقه مش خيال وبرضوا حاولوا يشوهوها مننا
وشهيد مُصر يموت علشان ما يحيا شعبنا
عرفت ياريس انك السبب في الي حصلنا
بس الزمان يا ريس معدش ينفع يرجع تاني بنا
ليه ياريس نسيت ان انت واحد مننا
وفي النهايه احنا اسفين يا ريس لو حد غلط فيك مننا
مانت ياريس الي بديت تلاتين سنه بعيد عننا
ظلم وقهر وفساد وفلوسنا سافرت من هنا
والله دانا زعلان عليك هتقول ايه لما تقابل ربنا
ويوم القيامه لما كل الشعب منك يطلب حقنا
خلاص ياريس معدش ليك مكان تاني في وسطنا
اسفين يا كابتن اصلك بقيت واحد تاني مش مننا
وصلت الي صاله السفر يتولى بيك ربنا .

الف شكر
شاعرنا استاذ ممدوح الجيار

عبرت على اللى جوانا
سلمت يداك
ودمت بخير وسعادة
اخى الغالى
محمد ممدوح
كل الشكر والتقدير
ولك تحياتى

__________________

signature

عادل الحريرى غير متواجد حالياً