عرض مشاركة واحدة
02-03-2011, 06:27 AM   #1
النبع الصافي
شريك متألق
stars-2-3
 
تاريخ التسجيل: Feb 2010
الدولة: الاسكندريه
المشاركات: 1,021
المؤامره ونار الفتنه الوالعه‬ من خواطرى

basmala

المؤامره من خواطرى

شفتو يا ولاد المؤامرة
شفتو نار الفتنة والعة
بين ولادى الطيبين
والأعادى قالوا مصر دى تبقى مين؟

ياللا نطفئ فجرها
ياللا نقتل طفلها

ياللا نزرع الفتن والدسايس على أرضها
نسيو إن المولى حارس عن شمال وعن يمين
وإن أولاد الكنانة بالعناية محروسين

آدى واحد امريكانى ومعاه ابن صهيون الانانى
ودا ايرانى ومن كل مله وكل دين

حتى منهم إبن عمى ركبوا شيطان لعين
جاى يفسد فى البلاد
جاى يفتن فى العباد
جاى يسرق النهارجاى
يطفئ الفجر فى عيون الصغار

بحذرك

إوعى يا إبنى تكون فتيل
تشعل النار وتساعد عميل
مش كل سن ضاحك يبقى صديق أمين

يا ولادى الطيبة هى طبعكم
بتصدقوا اللى يظهر حبكم
وتميلو للى يقول لكم انه واحد منكم

يا إبنى يا إبن الأمان
يا إبن الكنانة
يا إبن راية الزمان

أوعى

يهون عليك دم إخواتك المخدوعين
مهما كانو حتة منك
يهديهم ربى الكريم
والأيادى اللى طالت مصرنا
واللى قدرت بالندالة تبكى قلبنا
مسيرنا نوصلها ونقطع أصلها
ويعود ثانى النهار
ويعود الأمان ويسكن أرضها
النبع الصافي غير متواجد حالياً