عرض مشاركة واحدة
01-30-2011, 06:01 AM   #1
ياسين محمد محي الدين
vip
Crown1
 
تاريخ التسجيل: Apr 2010
الدولة: العراق - خانقين
المشاركات: 4,357
فى حبك يا مصر كلمات رانيا حمدى

basmala

في حبك يا مصر

الكاتبه رانيا حمدي




في حبك يا مصر قالوا كتير و قالوا ياما
بحبك يا مصر بتجري في دمي ليوم القيامة
بحبك بجهلك و مرضك و فقرك
و بعشق شقايا في حرك و عفرك
بحبك برغم اللي حاصل و اللي جاري
برغم النوري و الحرامي القراري
برغم اللي هلب و سافر لبرا
برغم السلام اللي في بحر غارق
برغم دموعي اللي ماليه عنيه
و دمي اللي سايل ع النواصي و ع القهاوي
بحبك و بعشق فيكي البساطه
و بكره الظلم و جو الوساطة
و بعشق ضي قمرك لما يرقص لنيلك
يلالي لبحرك و يرسم ملامحي في ساعة سعادة
بحبك بيوت في قلب الحواري
بحبك قلوب تطيب تداوي
بحبك سمار كاسي الملامح
بنظره يدوب بيننا الفوارق
و يغمز لقلبي يهدي يسامح
و ينسى في حبك عمري اللي جارح
بحبك يا مصري هلال و صليب
و بعشق يا بلدي فيكي الضجيج
في حبك يا مصر قالوا و عادوا
و لجلك المصري يضحي بولاده
بحبك يا طاهرة يا أم الشهيد
برغم شبابي اللي شاب في شبابه
بحبك يا مصر بقولها و هقولها لآخر نفس
بقولها و هقولها لأول صرخه في ألم الولاده
بحبك يا أمي يا ماليه عنيه
بحبك يا بلدي يا كل اللي ليًا
في حبك يا مصر قالوا كتير و قالوا ياما
بحبك يا مصر بتجري في دمي ليوم القيامة
ياسين محمد محي الدين غير متواجد حالياً